تامر حسني.. طاقة نور علي "السوشيال ميديا"
انتقادات عارمة نالتها الفنانة هالة فاخر بعد كشفها في لقاء تليفزيوني عن الظروف التي مرت بها خلال فترة ارتدائها الحجاب. قبل أن تقرر التخلّي عنه لتعود للتمثيل بـالباروكة. ثم تقرر أن تظهر بشعرها مرة أخري.
وقالت هالة خلال لقائها الإعلامية لميس الحديدي في "كلمة اخيرة": أنا حسيت إني عايزة اتحجب وما فيش حد أثّر عليا ولا روحت دروس دينية. قبل ما اتحجب روحت الحج. وأنا قعدت محجبة حوالي 4 أو 5 سنين.
وعن وضعها باروكة في أعمالها. قالت: إن الشغل بقي محدود. وأنا مش وارثة. ومافيش دخل. لازم أنزل أشتغل. ولما سمعت إن الباروكة بدل الحجاب. قلت أهو تلكيكة. لكن دا مش صحيح طبعاً. واشتغلت شوية بالباروكة.
وأضافت: الباروكة بتحلّي أكتر. ما هو يا تتحجبي يا إما ما تتحجبيش. كنت في الفترة دي عندي لخبطة. ما بين إني اتحجب وإني أقلع الحجاب. بس أنا لازم أقلع الحجاب علشان أشتغل. وربنا غفور رحيم.
وعن قرار التخلّي عن الحجاب. قالت: حسيت إني نازلة الشارع وأنا مش مكمّلة لبسي. حسيت إني عريانة. وما كنتش بلبس كت. والموضوع كان بيني وبين ربنا سبحانه وتعالي.
بشأن اقترابها من الفنانات المحجبات في تلك الفترة. قالت هالة فاخر: ده كان شيء بيني وبين ربنا بدون الرجوع لأي حد. ومفيش فنانة حاولت تاخدني دروس دينية. لكن في بعض الحالات كنت أستشير الفنان مجدي إمام لأنه معتدل جدا".
جاء عدد كبير من التعليقات مهاجما بشكل قوي. حيث علقوا :" من ترك شيء لله عوضه خير منه ربنا يهدينا جميعا"." " إنما الأعمال بالخواتيم " لا حول ولا قوة إلا بالله. اللهم اختم لنا بالصالحات أعمالنا"." عرفتي ان الله غفور رحيم ونسيتي انه هو الرزاق العليم لا حول ولا قوة الا بالله العلي العظيم"... غيرها.
بتعليقات تخطت الـ 54 الفاً. هكذا كان تفاعل الجمهور مع الفنان تامر حسني في منشوره حول امنيات محبيه. إذ انه يسعي دائما لنشر الطاقة الإيجابية بين متابعيه عبر مواقع التواصل الاجتماعي. ويدعوهم في كل فرصة إلي التمسّك بأحلامهم والسعي إلي تحقيقها.
عرض تامر خلال الساعات الماضية عبر صفحته الرسمية في فيسبوك منشوراً توجه من خلاله إلي الجمهور قائلاً: لكل محبيني الكرام.
كلامي اللي في البوست دا نفسي يوصل للكل وينفذه. ومحدش يسألني ليه بقول كدا بس أتمني من كل قلبي انكم تعملوا اللي
هقوله. انا والله العظيم بحبكوا أوي يا جماعة ولا عمري حسيت نفسي معاكم غير أخ او حد من عيلتكم يلا دلوقتي حالاً كل حد فيكوا يكتبلي في تعليقه نفسه يحقق إيه الفترة اللي جايه.
وأضاف: أرجوكم شوفوا نفسكوا محققين دا وإن شاء الله هيحصل. أرجوكم أرجوكم اكتبوا اللي نفسكوا فيه وعندكوا يقين كبير بالله إنه هيحصل مش هتخسروا حاجه لو صدقتوني وعملته كدا مش جايز أطلع صح!! بس طبعاً نسعي ونجتهد بلا يأس والبوست هيفضل موجود لو حد حاله اتغير للأحسن وبدأ يحقق اللي كتبه يبقي يفتكرني بالدعاء.
بمناسبة اليوم العالمي للقلب قامت مي عز الدين بمسابقة للبنات عبر حسابها بإنستجرام. والفائزة ستحصل علي هدية فستان زفاف سبق وارتدته مي في فيلم عمر وسلمي.
وكتبت مي في منشورها عبر حسابها الرسمي:"مسابقة للبنات ..من النهارده لمدة 3 أيام أي بنت هتبعت رسالة لرقم 9698 مؤسسة مجدي يعقوب للقلب و تاخد سكرين شوت تعملي بيها تاج إنها بعتت الرسالة واستلمت رسالة رد من المؤسسة هتبقي دخلت في سحب عشوائي علي الفستان ده من فيلم "عمر و سلمي".
تابعت "ثالث يوم أنا هختار عشوائيا واحدة من اللي البنات اللي عملت كده وعملتلي تاج “ الفائزة هقابلها وإديلها الفستان ذكري مني ونتصور مع بعض بإذن الله".
وجهت مي كلمة للبنات اللواتي لن يحالفهن الحظ وتفزنّ بالمسابقة "اللي متكسبش متزعلش أولاً لأنها مش آخر مرة أعمل كدة لسه عندنا أعمال كثير عندي منها قطعة اكسسوار أو فستان ذكري منها ولسه هنعمل كدة كتير لمستشفيات مختلفة والسبب الثاني انها متزعلش اني أعتقد أنها من المسابقات القليلة اللي حتي اللي مكسبتش فيها كسبت برضه وحاجة أهم من مي ومقتنيات مي توكلنا علي الله".
يعد اليوم العالمي للقب لفتة مهمة وفعالية تزيد الوعي حول الاهتمام بالقلب والمحافظة عليه من الأمراض حيث أطلق الاتحاد العالمي للقلب يوم القلب العالمي وهو أكبر منصة للتوعية بأمراض القلب والأوعية الدموية. ويحتفل باليوم العالمي للقلب سنويًا في 29 ديسمبر. حيث تكون أمراض القلب والأوعية الدموية مسئولة عن نصف الوفيات الناجمة عن هذا المرض تقريبًا. التي جعلت أمراض القلب السبب الأول للوفاة في العالم. وبالتالي فإن اليوم العالمي للقلب هو اليوم المثالي لزيادة الوعي بمجتمع خالي من القلب وتشجيع الناس علي التكاتف في مكافحة أمراض القلب والأوعية الدموية وتقليل الانتشار العالمي.
