ياسمين صبرى : "وعدت نفسي انى هطلع رحلة استكشف فيها نفسي"

قالت الفنانة ياسمين صبرى : "أنا وعدت نفسى إنى هاطلع رحلة استكشف فيها نفسى واتعلم اكتر، واقعد مع ناس مكنتش هاقدر أوصلهم في حياتى العادية، فقررت اطلع نيبال وهى بلد جنب الهند فيها جبال الهملايا، والطبيعة فيها رهيبة".

واضافت ياسمين خلال لقائها مع الاعلامية اسعاد يونس فى برنامج صاحبة السعادة ,"كان فيها مدرسين روحانيات وكان معايا راهب في البودا ومعايا مدرسة يوجا عاملين دكتوراه والوعى بتاعهم عالى جدا، زى ما روحت دولت "بالى" كنت ببقى جوا مكان وباخد دروس في اليوجا وحاجات للنفسية وللجسد".

وتابعت صبري: "الناس بتحصر نفسها في اخبار الناس والأحداث اللى طالعة تريند، لكن لو حد دخل على الانترنت وكتب أى حاجة تيجى على باله هيعرف حاجات كتيرة، وابتديت أدرس طاقة من مدرسة أمريكية، ودى حاجة ملهاش علاقة بسفرى لنيبال لوكن كنت بعملها دراسة لنفسى".