نعيم عيسي يكشف حقيقة خلافه مع الزعيم
تحدث الفنان نعيم عيسى، عن ذكرياته مع الزعيم عادل إمام، حيث عمل معه في العديد من الأعمال على مدار مشواره الفني، موضحًا أنه لا يوجد خلاف بينهما.
وقال عيسى، خلال حواره مع الدكتور عمرو الليثي، في برنامجه واحد من الناس، : اشتغلت مع عادل إمام، كتير جدًا، كان بيعزني وبيحبني وأنا كمان كنت بحبه، لغاية بقى ما ظهر في سكتنا يوسف داود، وهو في طولي كده، وبدأ عادل إمام يبعدني شوية بشوية ويشغل يوسف داود.
وأضاف نعيم عيسى، إنه ليس غاضبًا من الزعيم، قائلًا: أنا مش زعلان من عادل إمام، ولكن واخد على خاطري منه، يعني بعد الحب اللي حبهولي وأنا حبتهوله لما يسبني ويتجه لممثل تاني دي زعلتني شوية، ومعاتبتهوش لأن لو مشتغلتش معاه هشتغل مع غيره، ومقدرش أزعله ده بطل عظيم وكبير.
وتابع: هو مسألش عليا وأنا مسألتش عليه طالما مسألش عليا، وأنا عايز أقوله ربنا يقويك ويديك الصحة والعافية، ويخليك لينا وللدنيا كلها، لأن أنت حبوب وكوميديان عظيم.
