" تعالى نحتكم للقانون".. خناقة على الهواء بين أكرم حسنى وعادل صابر

قال الفنان أكرم حسني دفاعًا عن اتهام الشاعر عادل صابر له بسرقة جملة من مواله في أغنية للّي" للكينج محمد منير، إنه اتهام غير منطقي، مضيفًا: كتبت 20 بيت والخناقة مع الشاعر عادل صابر على بيت واحد.. ومستكترين عليا إني أعرف اكتب كلام جاد.

أكد حسني خلال لقائه مع الاعلامية لميس الحديدي فى برنامج كلمة اخيرة: اشتغلت في أسوان، وعرفت اللهجة بتاعتهم ومش غريبة عني.

وقال الشاعر موجها حديثه لأكرم حسني: تعرف تناظرني إحنا الموال الرباعي من الصعيد تعرف تعمل زيه ؟ ليرد أكرم عليه قائلًا: حضرتك على راسي بس ليه مستكتر عليا أبقى مبدع ؟ ليه مدي الحق لنفسك أن ممكن تبقى مبدع والكلام يجي في بالك في حين مايجليش أنا ؟.

واستكمل صابر: عندي بيت شعر أنت أخدته زي الي أخد نخلة من الجنوب وزرعها في وسط اشجار الفكيس عنده وأنا متمسك ببيت الشعر بتاعي.. عاوزين تعرفوا يعني شعر "الواط " إحتكموا لواحد صعيدي مش واحد من بحري يقلك توارد أفكار.

وعقب عليه اكرم حسني قائلًا: طالما إحنا مختلفين تعالى نحتكم للقانون وأنا كلام الشاعر عادل صابر فيه الكثير من العنصرية.. وليه تحتكروا الكتابة الصعيدية على الجنوب بس؟

واصل: الاتهام الذي قاله تكرر في عدة تصريحات حول الكتابة الجنوبية وعلاقته بالبحري مافيش حاجة اسمها بحري وجنوبي، هو أنا لو اثرت بكلام السواحلية وأكتب عنها هل ده مش من حقي ؟.. ليه محتكر الموال وفن المربعات على الجنوب فقط.