حمو بيكا : " انا مش هتنازل عن قضيتى".. ومصطفى كامل يرد

اعرب مطرب المهرجانات حمو بيكا، عن استيائه الشديد من ترك نقابة المهن الموسيقية لبعض زملائه الموقوفين مثله، بالعمل في الساحل دون تصاريح، حسب زعمه.

وقال بيكا في مداخلة هاتفية خلال ظهور الفنان مصطفى كامل ببرنامج ترابيزة: الناس اللي موقوفة معايا زي مسلم وريشا كوستا وسمارة وأبو ليلة، شغالة من غير تصاريح في الساحل والنقابة سيباهم، وجايين عليا علشان أنا غلبان ومش عارف أخد حقي، وفي ناس من أعضاء النقابة بيهددوني أنهم هيحبسوني وأنا مش هتنازل عن قضيتي وحقي.

بدوره رد عليه الفنان مصطفى كامل، ن قائلا: والأدهى من كده إن أعضاء مجلس الإدارة هما اللي مشغلين الناس دي في الساحل من غير تصاريح.. إحنا في مصيبة يا جماعة.. إيه اللي بيحصل ده وأنا مش بدافع عن بيكا وعمري ما شفته.

وطالب مصطفى كامل، بضرورة تدخل الأجهزة الرقابية، لوقف ما يحدث بنقابة الموسيقيين، إذ أشار إلى أن النقابة بها كل أنواع الفساد، ولابد من النظر في شأن النقابة، للقضاء على الفساد المتواجد بها.