مصطفى كامل: "أبويا كسر لي كل حاجة ما كنتش نافع بتعريفه"

تحدث الفنان مصطفى كامل، عن والده الراحل، وصفاته، وكيف أثرت تربيته له، مشيرًا إلى أنه تلقى منه علقة موت كادت أن تودي بحياته.

وقال كامل خلال لقاء فى برنامج ترابيزة: أخدت تركيبة والدي في تربية ولادي أنا في بيتي وطقوس حياتي مش طقوس فنان، وبتعامل مع ولادي على أنهم حبايبي وصحابي.

واضاف مصطفى: أبويا عمره ما وصاني علشان ما كنتش محتاج وصايا، وميت على إيدي وراضي عني، لكنه كان عنيف وصعب جدًا وصارم ومعندوش هزار، أوقات كنت بهزر مع أمي وأقول لها ليه بابا لما يطلع كنا بنجري ننام، لكن أنا مع ولادي أنا مش قاسي ولا بضرب.

وأستكمل: كلت علقة في ثانوية عامة من أبويا كسر لي كل حاجة ما كنتش نافع بتعريفة من كتر ما ضربني جريت واستخبيت فوق السطح فضل يضرب فيا من أول فصل المدرسة وخدني الشارع كله ضرب لأنه كان متعمد يهني ويكسرني والناس كلها في الشارع كانوا بيقولوا يا عيني يا بني وفاكريني حرامي، وبليل قال لي جملة عمري ما هنساها، قال لي أنا مش مقصر ليه تطلعني صغير قدام عمامك لأن كلهم كانوا مناصب لكن العلقة دي غيرتني وبعد شهرين وقفت أبويا وأنا التاني عن المدرسة.