تعليق نارى من ابنة خالد زكى عن شائعة مرضه ووفاته

اعربت دينا ابنة الفنان الكبير خالد زكي عن استيائها من تداول أنباء مرض ووفاة والدها عبر مواقع التواصل الاجتماعي، مشيرةً إلى أنها تشعر بغضب شديد من تلك الأنباء.

وقالت ابنة الفنان خلال مداخلة هاتفية مع الإعلامية بوسي شلبي، في حلقة استضافة والدها خالد زكي ببرنامج ليالي TeN: بابا الحمد لله هو اللي لقيته باعت لي الأخبار وبيقول لي ببعتها لك عشان متقلقيش ولو سمعتي أي خبر من الأخبار ماتتخضيش، لكن أنا قلبي وجعني جدًا والحاجات دي بتنتشر في ثانية والموضوع سخيف جدًا.

وأضافت دينا: أحلى وأغلى أب ومفيش زيك في الكون والعالم، كل أصحابي عارفين إنه بيخاف علينا جدًا ومهما قولت مش هعرف أقول بيعمل إيه عشان يسعدنا، إحنا مالناش غير بعض والناس مبتحسش بحد ولا بمشاعر حد، هما بيوجعوا قلبنا وبيلعبوا بالمشاعر.

وتابعت زكي: ربنا يسعدك أنت وأخوكي ووالدتك ويكرمك بأولادك الحلوين، أحفادي بقوا بيتصلوا بيا عمر وكريم ويسألوني يا جدو أنت تعبان؟