رد نارى من أسرة الموسيقار الراحل حسن أبو السعود على تصريحات شيرين عبد الوهاب المثيرة

ردت أسرة الموسيقار الراحل حسن أبو السعود، على تصريحات الفنانة شيرين عبد الوهاب، عن الموسيقار الراحل، قائلة: التنمر والسخرية من الناس عيب، بس العار الحقيقي؛ هو التنمر والسخرية من شخص ميت.

وأضافت أسرة الموسيقار الراحل ، خلال بيان رسمي لها منذ قليل،: مش هقول شخص واكلين معاه عيش وملح، وله فضل علينا؛ لأن قليل الأصل ممكن يتناسى وينكر ده، عادي؛ لأن الإساءة لشخص ميت، مستوى أكثر انحدارا من الشر والدناءة.

وأكدت الأسرة: وقت الحساب، المسيء هيقول لربنا إيه، هيقوله لأ ما تحاسبنيش إني بتريق على ميت، وبجرحه وبجرح محبيه وأسرته؟، أصل أنا موهوب أو مشهور أو غني؟، لأ ما تحاسبنيش أصل أنا أحسن فنان في الكون؟، للأسف المسيء في ابتلاء شديد، مش فاهم إنه عمال يحفر ويوسع في الحفرة لنفسه.

وأوضحت الأسرة خلال بيانها: للأسف الشر زايد، وقلة الأصل زايدة، وقلة الأدب مسكوت عنها، وكمان الأفاقين ماسكين راية دفاع مستديم عن الظلم والإيذاء، ميزان وبيتملي، ربنا يجعل وجع قلبي ودعائي الليلة دي، وليالي قبلها بسبب الإساءة المتكررة والحقد الظاهر في الطاقة والكلام، من نصيب أي وكل مُسيء.

واختتمت الأسرة،الله يرحمه شكلًا كان قمر وشخصيةً كان دمه سكر وطيب وكريم ومتواضع ومثقف وبيتكلم 3 لغات أجنبية بطلاقة ولبق وذوق، فمش ممكن هتكوني شبهه في يوم من الأيام.