شيرين عبد الوهاب تكشف تفاصيل اتهامها لـ حسام حبيب بسرقة سيارتها
كشفت الفنانة شيرين عبد الوهاب أنها وقت مكوثها في الساحل الشمالي اكتشفت أن سيارتها التي تملكها والمكتوبة بإسم حسام حبيب تم سرقتها قائلة : "كل الناس عارفة أني كنت بحاول أجمل صورته لكن الناس مكنتش مقتنعة وهما مش هبل وعارفين كل حاجة وأنا كنت طول الوقت بكدب عشان أجل صورته وعندما سرقت السيارة في تمام الواحدة بعد منتصف اليل تلقيت إتصال أن السيارة سرقت".
واضافت عبد الوهاب خلال مداخلة هاتفية في برنامج كلمة أخيرة، أنها كانت تعيش مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لا يعرف إلا فكرة حب الامتلاك وصبرت لاني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل الي أعيش معاه.
وإستكملت شيرين : لقيت نفسي بعد فترة كورونا بدمر وشغلي بيقف اللي كنت معتمدة أنه يخلصه ماعملش حاجة وهو شخص مؤذي جداً وخسرني كل الناس أخويا وأختي وأمي وأصحابي والسائق والشغالة كل الناس خسرهملي وكان بيعتقد أن كلهم متامرين عليه وأقتنعت أن الدنيا متامرة أننا مانبقاش مع بعض وهو للاسف لازم يتعالج نفسياً لانه مريض بحب الامتلاك.
