أول تعليق من حسن شاكوش على ازمة مع حماقى بسبب " حاجة مستخبية" .. فيديو

علق مطرب المهرجانات حسن شاكوش، بمقطع فيديو أوضح من خلاله المقصود بحديثه عن أغنية "حاجة مستخبية" لحماقي، بعدما أكد عدم سرقته للحن في مهرجان بنت الجيران، مشيرًا إلى أن أغنية حماقي هي مأخوذة من لحن لأغنية تركية.

وقال شاكوش في الفيديو الذي نشره عبر حسابه على انستجرام: هتكلم كلمتين على السريع، عمرو أديب كان بيقول بنت الجيران بتاعة حماقي فأنا كنت بقول له الأغنية بتاعتي ماليش دعوة بحماقي، هو فكر أننا سارقين بنت الجيران، فأنا كنت بوضح له الرؤية حاجة مستخبية هي اللي كانت عليها كلام واتقال أن لحنها تركي.

واضاف شاكوش :مش قصدي أغلط في حد، ولا أغلط في حق حد وعمري ما غلطت في حد أنا في شغلي وماليش دعوة بحد في المجال، كلهم أصدقائي وربنا يرزق كل الناس واللي ملحن أغنية حاجة مستخبية مدين أخ ليا واتكلمت معاه كتير، وتحياتي لكل أسرة العمل مش بحب حد يزعل مني لو في سوء تفاهم بقول ما تزعلوش.