حسن شاكوش: هاني شاكر جاب آخره ومبقاش مركز فى الغناء

حرص مؤدي المهرجانات حسن شاكوش على التعليق بعد الاستقالة التي تقدم بها الفنان هاني شاكر نقيب المهن الموسيقية على الهواء.

حيث أكد قائلًا: "أنا اتصدمت من قرار الفنان هاني شاكر لإنه قيمة وقامة للوطن العربي كله، وما كانش ينفع اللي حصل ده، بس كان فيه مشادات وكلام في المؤتمر الصحفي، واحنا خسرنا الفنان هاني شاكر والوطن العربي كله بعد استقالته من منصب نقيب المهن الموسيقية".

وأضاف خلال لقائه ببرنامج "الحكاية"، المذاع على فضائية إم بي سي مصر: "الفنان هاني شاكر قال لهم أعطوا الكارنية لحسن شاكوش وبعدين نبقى نعمل اجتماع يعتذر فيه للعازفين ودي كانت المشكلة واعتذرت لسعيد أرتست أكتر من مرة وقلت لهم اليوم أنا آسف وبعتذر لكم وهبدأ صفحة جديدة، والمشكلة في أن إزاي أخدت الكارنيه قبل اجتماع الاعتذار، لكن أنا كنت محتاج الكارنيه علشان معايا ناس بتاكل عيش وملتزم بحفلات وشغل".

وتابع: "الفنان هاني شاكر جاب آخره وفاض بيه، ولما مسك نقابة الموسيقيين ما بقاش مركز في الغناء، وكان الضغط كله عليه وشال حمل تقيل".

وأشار: "اتوقفت 10 شهور وما حدش كان حاسس بيّ، وكنت بروح فيهم الجيم وأتمرن وأسجل برضو بس النفسية كانت زيرو، وبزعل لما حد أكل عيشه يتقطع".

وقال: "أنا عامل فوق الـ25 أغنية ودويتو مع محمود الليثي زي "بنت الجيران"، وعامل مع طارق الشيخ أغنية".