طلاب نوعية أشمون يبعثون رسالة مؤثرة إلى الدكتورة هيام مصطفي وكيل الكلية لشئون التعليم

وجه طلبة وطالبات كلية التربية النوعية بأشمون جامعة المنوفية رسالة حب وتقدير إلى الدكتورة هيام مصطفى سالم وكيل الكلية لشئون التعليم والطلاب من خلال جروب ملهمون على منصة التواصل الإجتماعى فيس بوك,

قالوا : " دكتورة اخت فعلا بمعني الكلمة, دكتورة بشوشة وعندها افكار لتشجيع الطلبة, ودايما بياخدوا مراكز بتشجيعها وكلمتها الحلوة لطلبة, ولما الطلبة بيحصل لهم مشكلة مع المعيدين بتقف جنبهم وتجيب لهم حقهم, والله حضرتك مثال مشرف بنتعلم منه جدا,
انا ممتن جدا لحضرتك انك درستيلي والله ربنا يحبب فيكي خلقه كمان وكمان , و يكتر حب الناس فيكي, وحضرتك احسن واحده تكسبي قلب الناس, بحبك اووي والله, ربنا يراضيكي ويرضي عنك ويخليكي لينا, ويحبب فيكي خلقه كمان وكمان. " ,
وكتب الشاعر الطالب لطفي ضياء لطفي : " كل الطلبه بتحبك.. يا احلا وكيله كليه.. وكلهم نفسهم يقدمولك.. كل الحب والتحيه.. عليكي خفه دم.. ولا نجوم السيما.. وفي اتخاذ قراراتك.. دايما بتكوني حكيمه.. لاعمرك زعلتي حد.. ولا حتى قسيتي علينا.. دايما بنحس انك .. اختنا ومننا ولينا .. فرفوشه وضحكتك جميله .. ودمك زي الشربات .. مفيش حد عرفك وقال .. غير اننا زي الاخوات .. كل الطلبه بتحبك بجد.. ومبسوطين دايمآ معاكي .. لا ونفسهم كمان بجد.. ينولو حبك ورضاكي.. كسبتي الكل بحبك .. يا دكتوره هيام .. ومن قلبي بقدملك .. كل الحب والاحترام .. ربنا يخليكي لينا .. يااحلا اخت في الوجود.. دي دعوه من قلبنا .. لربنا خالق كل الوجود" .