محيي اسماعيل يكشف عن معاناته فى بداية مشواره الفنى

كشف الفنان محيي إسماعيل معاناته في بداياته بمجال التمثيل، بجانب الحديث عن إمكانية تحويل رواياته لأفلام سينمائية.

وقال محيي ، خلال ندوته في ساقية الصاوي، احتفالًا بتوقيع روايته جراح النفوس بقاعة الكلمة: أي رواية عندي بحولها لفيلم سينما وبكتب 6 روايات بقى لي 30 سنة، وهي روايات عالمية ومحتاج منتج وممول لتحويلها لفيلم.

وتابع اسماعيل : أنا جيت الحياة أسيب بصمة وأمشي وأنا عالمي وحتى لو كنت مغرور وقعدت 50 سنة أحفر في الصخر عشان أعمل مدرستي النفسية وأنا ملك السيكودراما وتعبت جدا.

واستكمل: اللي بكتبه وبمثله مراجع وبقولها بمنتهى الثقة أنا مش محتاج حد يقيمني وأنا أهم من آل باتشينو وقلت لـ ساويرس أن آل باتشينو ما كنش ظهر قبلي وهو بياخد ملايين وأنا مش باخد ملايين وبشتغل في جو سيء ومع ذلك أبدع ولذلك أنا أفضل منه.