" بيغسل المواعين زى اخته" .. شريف سلامة: "مفيش حاجة اسمها راجل وبنت كلنا زي بعض"

قال الفنان شريف سلامة: المجتمع في بعض الأحيان بيفرض حاجات على البنت حتى داخل أسرتها لو أخ وأخت ممكن تلاقي الأهل بيقولوا قومي اعملي الغدا لاخوكي اعمليله كذا لحد ما الشخص بيتعود إن الست من أملاكه".

ورد شريف على سؤال الاعلامية لميس الحديدي فى برنامج كلمة اخيرة:عندك ولد وبنت بتربوهم إزاي؟ ليرد قائلاً : لا طبعاً بنخلي كل واحد يعمل حاجته بنفسه البنت زي الولد داليا بتخلي ابننا يغسل الأطباق مفيش حاجة اسمها راجل وبنت كلنا زي بعض".

وعن علاقته بشقيقته منال سلامة: علاقتنا متوازنة وأمنا ربتنا على كده الراجل زي البنت في الأدوار أمي طلعتنا راجل غير متغول في سلطاته".

وأوضح أن دور سيف متعب نفسياً جداً خاصة أنه مكروه.