كريم محمود عبد العزيز لـ صاحبة السعاة: "والدي كان شايفني مستعجل في الزواج"
كشف الفنان كريم محمود عبد العزيز عن مواقف جمعته مع والده، بجانب الحديث عن تفاصيل من طفولته وشعوره بالمسئولية بعد تكوين أسرة.
وقال كريم ، خلال لقائه مع الفنانة والإعلامية إسعاد يونس في برنامجها صاحبة السعادة: لما خلفت فهمت قلق أبويا عليا لما كنت مش برد على موبايلي وهوبيزعق لي وفهمت معنى المسئولية والزواج.
وواصل:والدي كان شايفني مستعجل في الزواج وقال لي الزواج مسئولية وحياة ودي من الحاجات اللي أدركتها على طول بعد ما تزوجت، وفهمت أن فيه واحدة بنت ناس مسئولة مني وبعدين خلفت وفهمت المسئولية، وأنا بحب البيت جدا وبلعب مع بناتي وبنعمل تيك توك لأن الحاجات دي شبهي وعايز أفضل في السن دا ومش عايز أكبر وبلاقي نفسي معاهم.
