ونقدر
بقلم- جمال الأفندى الزمر:
مدير إدارة القوافل بجامعة جنوب الوادى
ها نقدر وبمشيئه اللّه
ندوس ع الصعب نتحداه
ونمسك حلمنا الأخضر
ونعلن مرحبا يا حياه
****
هنقدر بإختلاف وثبات
نحطم خانة المسافات
نخلىّ المستحيل ممكن
ونكسر شوكة الأزمات
نرص الحلم جنب الحلم
نعلىّ الهامة والهامات
نقرّب خطوة ورا خطوة
نزيح اليأس بالخطوات
****
و نقدر بإختلاف نكسر
قيود اليأس مهما تكون
ونفتح للأمل واحه
نّحرر حلم كان مسجون
ونّنده ع النهار يضحك
ويضحك لينا كل الكون
****
هنقدر بالأمل نرسم
طريق بكره حروف من نور
ندوس فوق طريق الخوف
ونبنى بالإرادة جسور
نّغير نظرة العالم
ونُحيي النظرة والمنظور
****
هنقدر بإختلاف وبحب
نّدوس ع الصعب بإرادة
وتفضل مصر جوه القلب
أميرة الكون كما العادة
نّقدم ليها أعمارنا
ودايما مصر وّلاده
نخّطى الصعب ونٌكمل
بخطوة واثقة معتاده
وتحيا مصر ب ولادها
كريمة فى عزة وريادة
**ونقدر **
