الثلاثاء
04 صفر 1440
16 أكتوبر 2018
03:36 ص

هاشتاج "سؤال ومش لاقيله اجابه"..تريند تويتر بـ 35 ألف تغريدة

هاشتاج
كتبت - عزة قاعود الأحد، 12 أغسطس 2018 11:52 ص

ساخرون: الرز المعمر فيه كام طلقة؟..وليه بنصحى بدرى يوم الاجازة!!!

فى ظل حياة كثيرين فيها لا يدركون ماهيتها .. وقليلون فقط يحددون طريقهم وطموحاتهم او حتى احلامهم..يحيا الجميع بين اسئلة كثيرة ربما اجابت عليها الايام او ظلت حائرة تكرر نفسها.. الكلمات ربما تبدو فلسفية لكنه واقعية عبر عنها الشباب بكل بساطة من خلال اطلاق هاشتاج (#سوال_ومش_لاقيله_اجابه) على موقع التدوينات القصيرة تويتر ليتفاعل معه فى مده زمنية قليلة جدا حوالى 35 الف شابا وفتاة.

بعض المشاركات عبرت بالفعل عن اسئلة حائرة داخل هؤلاء تشير الى بعض المعاناة النفسية او الشعور بعدم السعادة او التكيف الى حد ما منها:( ليه معظم البشر أصبحوا ديابه ؟| ليه النهايات دايما زفت | هو الغباء دا طبع ولا وراثه | ليه ببقي قاعده في امان الله و.مبسوطه و فاجئه اكتئب واتنكد ؟| ليه احلامنا مش بتتحقق!؟| ليه الاهتمام اخرته خذلان ؟| ليه الولد بيحب البنت اللي تتنك عليه ويتنطط علي البنت اللي بتحبه وتهتم بيه|  البعد عن الناس...غنيمة ولا معرفة الناس...كنوز )



اخرون طرحوا اسئلة ظهرت بشكل ساخر لكنها ربما كانت تعبر عن شىء ما بداخلهم وحقيقة انه موجود بالفعل فى حياتنا منها:( البنت الحلوة بتصاحب الجربوع و الولد الحلو بيصاحب المقشفة
انا فين من ده كله قاعد اتفرج بس | ليه بنصحي بدري يوم الاجازة؟ سؤال وجودى|  هي الناس اللي بتاكل ومبتتخنش دي بتعملها ازاااى هااا how بجد يعني انا بشم الاكل اتخن |اللي بيصور صلاة الجمعة بيصلى امته؟)


اما الفئة التى تضفى دوما جوا من البهجة فى اى هاشتاج لطيف فهم من يحولون كل شئ الى سخريه ترسم البسمة على شفاه كل مرتادى الهاشتاج ومن تغريداتهم:( هو ليه القرع أما إستوى قال للخيار يا لوبيا  | الرز المعمر فيه كام طلقه؟ | هو اللي اكتشف اللبن كان عاوز ايه من البقره؟ )



اضافة تعليق
لن يتم نشر عنوان بريدك الإلكتروني
الحقول المشار إليها إلزامية. *