السبت
08 صفر 1440
20 أكتوبر 2018
08:10 ص

الجمهورية أون لاين ترصد معاناة المواطنين أمام الشهر العقارى بمدينة 6 أكتوبر.. فيديو

الشهر العقارى بمدينة 6 أكتوبر
الشهر العقارى بمدينة 6 أكتوبر
كتب - حسن رضا الخميس، 09 أغسطس 2018 08:39 م

رصدت بوابة الجمهورية اونلاين عذاب المواطنين أمام الشهر العقارى بمدينة 6 أكتوبر فى الحى السادس وذلك بشكل يومى، سواء من أصحاب الشقق أو السمسارة، حيث أصبح التزاحم والتدافع والاشتباكات أمرا معتادا وخاصة  بعد احتيال السماسرة على المواطنين فى غياب الرقابة .




محمد أحمد من سكان مدينة أكتوبر يقول: لا يوجد بأيدينا شئ لعمله سوي الدعاء لله ليهدي كل من له صلة بالامر للتسهيل لقضاء مصالح الناس، أو موظف حكومي يتقاضي أجراً عن ذلك، أن يتقي الله فيما هو فيه مصالح الشعب والبلد اللي محتاجة تضافر كل الجهود لانجاح المجهودات الحالية لرئيس الدولة للارتقاء بالخدمات المقدمة للجمهور، موضحا، علينا جميعا الوقوف ضد هؤلاء بكل الطرق المتاحة والممكنة من أجل صالح هذا البلد.



وأوضح ياسر محود موظف ومن سكان المدينة للاسف الشديد موظفى الشهر العقارى غير مؤهلين للعصر الحديث وليس لهم مهارات فى التعامل أو كيفية التخاطب ويجب أن يتأهلوا لذلك او يحل مكانهم شباب ذو مؤهلات عالية.

واشار ناجى على أحد سكان المدينة من أمن العقاب اساء الأدب لو فى حساب مكنوش عملوا كده انما هي سلسلة فساد من أصغر موظف لأكبر واحد إلا من رحم ربى انتوا بتبذلوا مجهود كبير بس فعلا الواحد يأس، من امتى واحنا بنطالب تطوير الشهر العقارى من موظفيين واجهزة ومكان ادامى حرام إحنا بنرجع مش بنتقدم لازم نقضى على الفساد والسماسره اللي بيتفقوا مع موظفي الشهر العقارى.


وقالت منى حسين من سكان الحى الخامس انا روحت أخلص ورق هناك ومرضتش اتعامل مع السمسار ورحت الى الموظف خد منى الورق على طول وخلصهولى وجت اللى تبع السمسار تديله الورق مرضاش قالها لما اخلص الناس اللى معايا الاول وطلب بس اختم الورق من المدير مفيش دقيقه دخلتله ختمه ومشيت دة انسان محترم مؤكدة الفساد معروف ياريت حد يتحرك.



وأضافت لا يوجد مكان ادمى غير هذا المكان الحقير ياريت يزودوا عدد الموظفين لانهم مش قادرين على العدد دا كله والمفروض يكون فى كمبيوتر مش معقول لسه بنتعامل بورق و لو عملوا صفحه على النت للتوكيلات او البيع و الشراء و ندفع الفلوس فى فورى واروح بس استلم الورق يكون احسن كتير.




اقرأ أيضا..

اضافة تعليق
لن يتم نشر عنوان بريدك الإلكتروني
الحقول المشار إليها إلزامية. *