الثلاثاء
08 ذو الحجة 1439
21 أغسطس 2018
03:47 م
بعد ان فاض بها الكيل

التراس ريهام سعيد يصدرون بيان صارم ضد قناة النهار

ريهام سعيد
الخميس، 17 مايو 2018 10:37 م

قام التراس الاعلامية ريهام سعيد باصدار بيان لدعمها فى ازمتها مع قناة النهار.

وجاء نص البيان كالتالى:
"الموضوع  بدأ بانه ريهام راحت القناة الاسبوع الماضي عشان في اتفاق بينها وبينهم انها هتطلع مباشر من اول شهر مارس ، اتفجأت ريهام انهم جايين بيشترطوا عليها انها لازم تمضي الاول عقد تلات سنين مع القناه عشان يسمحوا لها تطلع الحلقه " وده مكنش الاتفاق " فبالتالي ريهام رفضت وبكل احترام لجأت للقانون وراحت عملت فيهم محضر انهم بيخلوا بالاتفاق اللي بينهم وبيمنعوها من الظهور وانها عايزه تفسخ عقدها وتاخد بقية مستحقاتها هي والكرو بتاعها اللي مأخدوهاش من اول السنة. فالطبيعي الصحافة عرفت وكتبت قناة النهار بقى مش تعالج الموضوع، لا دول طينوها اكتر وقاموا منزلين امبارح بيان هتلاقوه فأول كومنت بيقولوا فيه الآتي:
ان ريهام سعيد اعلاميه غير مسئوله ومخسره القناه ملايين
ان القناه مش هتسمح لها تطلع مباشر
ان قناة النهار هي اللي نجحت ريهام سعيد وبالرغم من كده هي نكرت الجميل وانها انسانه لا تقدر المعروف و و و
وقالوا جمله كده فمنتهى الفجر ، بيقولوا انه ريهام زي ما عملت معاهم هتعمل مع اي مؤسسه تانيه لو اشتغلت معاها ، اللي هو " محدش يشغلها " يعني
وطبعاً كملوا تشويه وتدليس للحقايق كتير هنسيبكم تقروه فالبيان .
السؤال الاهم هنا بقى اللي لازم نسأله لاصحاب القناه المحترمين ..
- هو محدش قالكم قبل ما تنزلوا البيان ده انكم بالشكل ده شركاء معاها ؟
- طب محدش قالكم انه الناس هتقولكم لما انتوا عارفين انها اعلاميه غير مسؤوله بتدعموها بقالكم سنين وبتطلعوا تشكروا فيها فكل مكان ليه ؟
خلينا احنا اللي نقولكم الحقيقه ، انتوا اللي قناه فاقده للمصداقيه و غير امينه وانتوا اللي ناكرين للجميل ، عارفين ايه الجميل ؟ الجميل انه ريهام سعيد الاعلاميه الوحيده اللي مستمره معاكم من اول يوم فتحتوا فيه القناه لحد انهارده ، ايام ما كانت القناه شغاله على اسم ريهام سعيد بس ، قبل ما ربنا يفتح عليكوا وتعملوا سلسلة قنوات دراما وكوره واخبار
ريهام سعيد اللي خلت اسم قناتكم يتقال فالصحف العالميه ويبقى تريند ، ريهام سعيد اللي جبتوا من وراها ملايين اعلانات ايام ما كانت حلقاتها من كتر ما الوطن العربي كله مستنيها كنتوا تقولوا لها عالهوا انها تكمل براحتها وتزودوا ساعتين وتلاته فوقت البرنامج وكله بيرجع عليكم بالفايده
ريهام سعيد اللي ايام حلقة راس غارب خلت مصر كلها تدعيلكم وتشكر فالقناه
ريهام سعيد الاعلاميه الوحيده اللي من كتر اهمية حلقاتها خليتوا البرنامج تلات ايام بدل يومين وكمان فبعض الاوقات بتخلوها تطلع يوم رابع كمان !!
ريهام سعيد الاعلاميه الوحيده اللي لو مطلعتش هوا الجمهور بيتصل على كل برامج القناه التانيه يطمن عليها فسابقه عمرها ما حصلت مع اي اعلامي فالعالم
ريهام سعيد اللي مباركه لكم القناه بالخير والحسنات ودعوات الناس
دلوقتي عشان هي فموقف ضعف بقيتوا بتعرفوا تتشرطوا عليها لا وكمان تنزلوا بيان عايزين تقعدوها فالبيت !! دلوقتي بقت ريهام سعيد بتخسر القناه ملايين يا كذابين يا مزورين ، دلوقتي بتجيبوا لها القديم والجديد وبقت ريهام سعيد بتشوه رموز الدوله ؟؟؟ طب وانتوا بقالكم سنين ساكتين عليها ليه ؟؟ بالرغم من ان كل القضايا او اللي سمتوها " مشاكل " اللي ريهام عملتهالكم القضاء برأها فيها كلها بلا استثناء
عارفين ليه ؟ عشان انتوا قناه فاسده و غير امينه ومعندكوش مصداقيه ومش اول مره ريهام تبقى عايزه تسيبكم من قرفكم وكذبكم بس انتوا اللي كل مره بتمسكوها من ايديها اللي بتوجعها وهي الاطفال والمرضى والخير
لازم تعرفوا انه ريهام مهما عملتوا هيفضل جمهورها ساندها وفضهرها لانهم عشره معاها من سنين كتير اوي ، عشره اكبر من عمر القناه العظيمه بتاعتكم
وهيفضل جمهورها وراها وبيدعمها اول ما تروح اي قناه جديده .
اما انتوا خليكوا فبرامجكم الفاشله التافهه والاعلاميين بتوعكم اللي مفيش واحد فيهم بيطيقكم ست شهور على بعض ".

يذكر أن أزمة قد نشبت بين ريهام سعيد وقناة النهار فى الوقت الماضى.

اضافة تعليق
لن يتم نشر عنوان بريدك الإلكتروني
الحقول المشار إليها إلزامية. *