خيانة الرجل للمرأة تشعل تويتر
والسيدات يؤكدن .. مفيش راجل مضمون

قال وليم شكسبير "في الحب تخلص المرأة لعجزها عن الخيانة ، أما الرجل فيخلص لأنة تعب من الخيانة. "

ولا شك ان الخيانة انتهاك وكسر لعلاقة بين طرفين؛ فطعمها مرٌّ وآثارها مدمرة؛ فعندما يخون الرجل؛ فأول سؤال يتبادر إلى ذهن الزوجة، هو: لماذا؟

وقد أشعل مؤخرا موقع التغريدات الصغيرهاشتاج  يحمل اسم #امتي_يخون_الرجل ، غرد خلاله اكثر من 16 الف ناشط  حتي الآن ، ليصبح ضمن الموضوع الاكثر تداولاً ، ظهرت خلال التغريدات تبريرات تبيح للرجال الخيانة، فمنهم من قال " لما يجيله فرصه افضل " واخر قال وقت ما يحب وبمزاجه .

تغريدات الرجال
قال محمد الشمري: يخون الرجل لما زوجته ما تعبره ولا تهتم فيه ولا حاسه فيه .. بيخونهاولكن مهو عذر ويروح يخون الشرع محلل اربع  .
وغرد آخر يحمل اسم سيكوباتي " افترضنا انا راجل متجوز وممكن قلبي يحب واحده تااني ومع ذلك مش مقصر مع زوجتي في حاجه ايه المشكله في كده
بينما اكد آخر "يخون الرجل لما الست متملاش عينه "

تغريدات النساء
بينما اكدت تغريدات النساء ان الرجل بطبعه خاين ومالوش امان كما قالت احد المغردات ، ولا تكفيه امرأة واحدة .

قالت امنية مجدي :"#امتي_يخون_الرجل هقولك امته هو في أي وقت علشان الرجاله ميملاش عينها غير التراب و علشان هو طماع بيحب يكون عندوا كل حاجه مش بيرضى باللي عندوا"

وقالت اخري : "يخون الرجل لما يضمن اللى معاه موجودة علي طول ومهما يعمل فيها هتسامحه ".
ومازال الصراع مستمر علي الهاشتاج بين النساء والرجال حتي الآن.