الإثنين
12 محرم 1440
24 سبتمبر 2018
04:17 ص
بعد حادث مقتل طالب الهندسة

رواد السوشيال ميديا يحذرون من اعلانات البيع اونلاين

السوشيال ميديا
كتبت : رحاب همام الإثنين، 12 مارس 2018 10:48 ص

تداول رواد السوشيال ميديا منشورات للتوعية والتحذير من الاعلانات على مواقع البيع اونلاين بعد الحادث مقتل طالب الهندسة محمد عبد العزيز

تحت عنوان "خليك ايجابى واعمل شير ممكن تكون سبب فى توعية وإنقاذ حياة إنسان " تداولت عبر صفحات مواقع التواصل الاجتماعى التحذيرات التالية

???? خدوا بالكم يا جماعة من الإعلانات اللى بتنزل على OLX أو أي مواقع بيع أون لاين ... 

?? محمد عبد العزيز .. شاب زي الورد في كلية هندسة كان بيدور علي لاب توب على OLX فلقى حاجة بسعر كويس ، نزل يقابل الناس في مساكن شيراتون عملوله كمين و قتلوه و سرقوا الفلوس !!

?? محمد عبد الله .. شاب زي الورد كان بيدي كورسات تنمية بشرية قرر إنه يبيع عربيته فنشر إعلان على olx و بالفعل ناس كلموه وراح يقابلهم في زهراء مدينة نصر قتلوه بالرصاص و سرقوا عربيته و يتموا طفلين توأم عمرهم 40 يوم !!


? ماتروحش تقابل حد ماتعرفوش تشتري منه حاجة لوحدك .. خد معاك ناس .. خد معاك عزوة ..

? ماتروحش تقابل حد تشتري او تبيع له حاجة في وقت متأخر أو في يوم أجازة و الشوارع فاضية و الناس نايمة .. 

? ماتروحش تقابل حد تشتري منه حاجة في مكان مقطوع .. 


اختار مكان آمن .. مافيش أحسن من المولات او النوادي .. و لو بتبيع او تشتري حاجة كبيرة صعب تدخل المول يبقى ممكن جراجات المولات .. اختار أماكن متراقبة و فيها أمن و فيها كاميرات .. 

? لو بتشتري عربية ممكن يقابلك عند ميكانيكي انت عارفه كويس أو عند محطة بنزين .. و لو انت اللي بتبيع عربيتك يبقى يجيلك تحت بيتك بين ناسك و جيرانك و أهل منطقتك .. مايقولكش تعالى قابلني في مكان انت ماتعرفوش .. 

???? بقى طبيعي نصحى من النوم على خبر موت أصحابنا وزمايلنا وشباب كتير في عمرنا ، بس اللي مش طبيعي إننا نصحى على خبر قتلهم بسبب لاب توب او عربية او موبايل .. حسبنا الله و نعم الوكيل .. 


?? خليك ايجابي و اعمل شير .. 
ممكن تكون سبب في توعية و انقاذ حياة انسان مالوش ذنب في زمن ماعدش فيه ضمير و لا أمان !!

اضافة تعليق
لن يتم نشر عنوان بريدك الإلكتروني
الحقول المشار إليها إلزامية. *