رئيس مجلس الإدارة
سـعــــد سـليــــم
رئيس التحرير
عبد النبى الشحات

نصيبى وقسمتى
ليه مابنحاولش نرضي باللي معانا ليه دايما بنبص علي اللي في أيد غيرنا ليه دايما حاسين ان احنا ناقصنا حاجات كتير مع اننا لو فكرنا شويه هنلاقي ان كل واحد فينا واخد ٢٤قيراط بس متقسمين حد ربنا رزقه بالأولاد وحد تاني ربنه رزقه بالفلوس وحد تاني بقي ربنا رزقه براحه البال.

 

علي فكره حتي راحه البال دي  رزق ربنا انعمه علي اللي بيحبه فبلاش تبص علي حد وتقول ياريت كنت انا مكانه ويبقي معايا اللي معاه عشان اكيد ربنا حرمه من حاجه ليه بنهتم باللي عند غيرنا مع انك ممكن تكون عندك اكتر بكتير منه الطمع فعلا بيقل ماجمع لان مهما يكون عندك بتحس انك دايما عايز اكتر دايما مش راضي باللي معاك طريق.
السعاده انك تكون راضي وتكون دايما مقتنع باللي معاك وان فعلا ربنا مديلك24قيراط بتوعك والطمع ممكن تكون حاجه انت مش محتاجها بس المهم يكون عندك اكتر واكتر عايز تكون سعيد دايما ارضي باللي ربنا قسمهولك ساعتها بس هتكون مرتاح وسعيد وراضي.
بقلم  - صابرين جابر: