رئيس مجلس الإدارة
سـعــــد سـليــــم
رئيس التحرير
عبد النبى الشحات

شباب الفيسبوك يستعرض ذكريات جيل التمانينات
لاخر العمر هنفضل احلى جيل

على ايامنا الاستاذ والاب خط احمر .. لاخر العمر هنفضل احلى جيل .. بوجى وطمطم وفوازير شريهان

 


لاخر العمر هنفضل احلى جيل اتعلم واتثقف وفهم حاجات كتير فوق طاقته وأكبر من سنه وهو واقف مكانه دايما حاسين ان احنا اصغر من سننا ... هى كلمات اتفق عليها رواد موقع التواصل الاجتماعى فيسبوك وتناقلتها الجروبات المختلفة عبر الشبكة الاجتماعية مؤكدين أن مواليد ال ثمانينات لهم ذكريات طفوله غير عادية لم يعشيها اي جيل عدي او قادم فكتب رواد التمانينات ذكرياتهم وشاركوها بمزيد من التعليقات لاسترجاع ذكريات الطفوله

فشاركت الجروبات هذه الكلمات لتتبعها الالاف التعليقات بذكريات لا تنسى

إلى كل مواليد الثمانينيات أنتم مش صغيرين...
مواليد ١٩٨٠ ..... ٣٩ سنه
مواليد ١٩٨١ ..... ٣٨ سنه
مواليد ١٩٨٢ ..... ٣٧ سنه
مواليد ١٩٨٣ ..... ٣٦ سنه
مواليد ١٩٨٤ ..... ٣٥ سنه
مواليد ١٩٨٥ ..... ٣٤ سنه
مواليد ١٩٨٦ ..... ٣٣ سنه
مواليد ١٩٨٧ ..... ٣٢ سنه
مواليد ١٩٨٨ ..... ٣١ سنه
مواليد ١٩٨٩ ..... ٣٠ سنه

إحنا آه كبرنا بس اللي عيشناه محدش هيعيشه تانى
إحنا آخر جيل إتعلم اللعب فى الشارع , وأول جيل بدأ يلعب فيديو جيم وإتفرج على الكارتون بالألوان , وإتفسحنا في الجناين ,
إحنا الجيل اللى كان عنده تليفزيون واحد فقط و بنتفرج عليه بعد تصريح من الوالد
إحنا آخر جيل كان بينام بدرى
إحنا آخر جيل كان بيصحى الصبح على إذاعة الشرق الأوسط أو البرنامج العام
إحنا اللى كنا بنعمل مسابقة أجمل شارع فى زينة رمضان
إحنا اللى كنا عايشين طفولتنا على أغانى عمرو دياب و إيهاب توفيق ولولاكى
إحنا اللى كنا بناخد جوايز شهادات إستثمار
إحنا اللي كنا بنصور بكاميرا وفيلم و تحميض , مش ديجيتال
إحنا كان عندنا تواصل إجتماعى حقيقى بعيد عن الموبايل و الإنترنت
إحنا آخر جيل كان بيسجل الأغانى من الراديو , كنا بنسمعهم على الـWalkMan
إحنا إتعلمنا إزاى نبرمج الفيديو قبل أى حد , إحنا اللى لعبنا على الأتارى و سوبر نيتيندو وماريو
إحنا اللى كنا بنسافر فى العربيات اللى من غير حزام آمان ولا كيس هوا ,
إحنا اللى عيشنا من غير محمول وكنا على إتصال ببعض
إحنا اللى كنا بنأجر العجل ونجرى بيها من غير فرامل
إحنا لا شفنا بلاى إستيشن ولا تليفزيون فيه أكتر من 100 قناة
إحنا لا شفنا شاشة مسطحة ولا 3D ولا صوت مجسم ولا Mp3 ولا Ipod
الجيل اللى إتلغى من عليه التحسين فى الثانوية العامة
إحنا جيل كان بياخد مصروف نص جنيه وكان بيجيب شيبسي و لبان و لوليتا
إحنا بتوع بم بم
نسيت كابتن ماجد وبقلظ وماما نجوى واغانى ايمان الطوخى وعبدالمنعم مدبولى مش اوكا واورتيج
وكمان احنا اخر جيل كان بيشتري مسدس و بومب في العيد حاليا بيشتروا ديناميت ومدسدسات خرطوش ويمكن ملوتوف
كنا بنستنا الفيلم الهندى فى العيد ،، وكنا بنجلد الكتب المدرسية فى المطبعة
جيل كابتن ماجد ومازينجر وجرينجايزر وماوكلى فتى الأدغال
إحنا اللى عملنا الشراب كوره
احنا الجيل اللى اشترى ازازة الكوكاكولا بربع جنيه . . آخر جيل لعب بالكازوز و عمل منه عجل للعربيات الخشب غير فرده و تصنيع اشكال منه . . اخر جيل كان بيتلم علي مسلسل سبعة و ربع و مسرحية يوم الخميس و حفلات أضواء المدينة وليالى التلفزيون . . . احنا اخر جيل كانت المتعة بالنسبة له بمواعيد عشان كده الفيديو و الأتاري بالنسبة له كانت متعة لا نهائية . .
احنا جيل مصروف ربع جنيه في اليوم .. و في الاعياد عدية 10 جنيه
احنا الجيل الى كنا لما نحب نتفرج على فيلم اجنبى نستنى اخر الاسبوع تاكسى السهرة او بانوراما فرنسية مش زى دلوقتى فى قنوات مخصصة للاجنبى
احنا اخر جيل كان بيعمل الكوكتيل بتاع الاغاني ب10جنية ساعة ونص علي شريط TDK
جيل أميجو اللى بينور ومسابقات لبان على بابا
احنا الشباب النيتي
جيل لا يعرف الفشل , واللي كان بيخش مدرسة خاصة يبقي نادر اوي
مين فاكر الايام دى؟؟ 


وشارك رواد الموقع بتعليقات وذكريات التمانينات فكتبوا: 


مهو جيل التمانينات هو الى ربا الجيل الى موجود دة احنا على ايامنا الاستاذ خط احمر الاب خط احمر فين التربيه الاجيال دة حصاد تربيتنا هو الى احنا شيفينو دلوقتى كنا بنخاف من اب او مدرس لكن تربيتنا الله اكبر عليها انا افتكر ولدى بيقول للمدرس بتاعى بيقولو كسر وانا اجبس كنا بنخف ونزاكر ونسمع كلام الكبير بس ارجع اقول احنا بنربي غلط عشان كدة شوفنا جيل ربنا يتوله برحمته الحمد لله


احنا جيل بوجي وطمطم وفوايز نيلي وشيرهان والف ليله وليله وحاجات كتير حلوه دلوقتي خلاص مفيش حاجه ليها طعم كبرنا وكل همنا دلوقتي العيال


كانت اجمل ايام عدت بسرعه اوووي فجأه كبرت وبقيتي 37 سنه وعندك عيال وطلاباتهم مبتخلصش وصوت زعيقك ميبطلش واحمد ابني يشتري والاقيه جايب جوليو واو ياميدو انزل اشترليا يضحك ويقلي خدي بتاعي وانا هاخد التاني اقله لأ يقلي انتي طفله ياماما 

احنا الجيل اللي كان التليفزيون 3 قنوات وكانت الشوارع واسع وبتعرفي تمشي وتتحركي ومكنش فيه زحمة في الشوارع وكان فوازير ثلاثي اضواء المسرح كانت ايام ده جيل الستينات