مصر
  • 29℃ القاهرة, مصر

رئيس مجلس الإدارة

إيـاد أبــو الحجــاج

رئيس التحرير

عبد النبي الشحـــات

البريد المصرى

‏⁧‫#درس_لماضة‬⁩

‏من قلب دفتر نجاح الكاتبة ⁧‫#عزة_حسني‬⁩ الشهيرة بلماضة ‏وصاحبة الهاشتاج ⁧‫#شخابيط_لماضة‬⁩
‏طالعتنا الأستاذتان الغزيزتان على قلوبنا الفنانة الرقيقة ليلي عز العرب و الكاتبة والمنتجة والمخرجة عزة حسني أمس  على واحدة من اجمل الحلقات ⁩‏اللي ممكن نشوفها من برنامج الاستاذة ليلي ⁧‫#ياأناياهي‬⁩ بالمشاركة مع الفنان خفيف الظل ⁧‫#هشام اسماعيل‬⁩.

‏جو جميل من البهجة والهدوء النفسي، في محاولة للتفاعل مع نجوم ومواهب من المجتمع اللي فرض مواهبه خارج شاشات الموبيلات وعلى راسهم ⁧‫#لماضة‬⁩.

‏احساس رائع من النشوة لما تشوف الاعلام المصري واعي لدرجة انه يستشعر الموهبة حتى لو كانت في العالم الافتراضي ويقرر يسلط عليها الضوء.

‏والاروع اننا كمتابعين للمواهب دي يصدق حدسنا في اصحابها و نشوفهم على الشاشة حقيقين مجسمين وأجمل كمان من الصورة اللي بنرسمها لهم في خيالنا.

‏بس الحلقة دي بالخصوص والكلام للأستاذة ⁧‫#ليلي_عزالعرب‬⁩؛ حضرتك قدمتي درس قاسي جدا لكن بنعومة قوى التاثير الناعمة. درس لكل واحد شايف في نفسه موهبة من اي نوع؛

‏الدرس في اختيار موهبة ⁧‫#شخابيط_لماضة‬⁩ بالخصوص، وعناصر الدرس كالتالي:

‏١-الموهبة عشان تنور و تلمع وتقنع الاخريين بيها لازم تكون جاية من روح خفيفة مش محملة بقسوة الالفاظ ولا تجعير المفردات ولا فجاجة العرض

٢-الموهبة لوحدها مش كفاية عشان تفرض نفسها، لازم الانسان يسعى في عرضها بأسلوب جيد و يتنوع في ايجاد الحلول والأدوات اللي تساعده ينشر موهبته

٣-مبقاش في حدود تمنع اي فنان من السعي، وسائل التواصل الاجتماعي قدمت المنصات اللي ممكن يستغلها بشكل مشروع ويضمن تكافؤ الفرص

٤-التعاون ما بين الفنانين ممكن ينجح الاعمال الفنية بشكل اوسع بكتير من الاستئثار بالعمل منفردا-العمل الجماعي دايما بيكون تاثيره اقوى على نفس المتلقى من عرض العمل الفردي

٥-بلدنا مليانة موهوبين من كل نوع ولسة كتير ياما هنشوف من ولادك يا مصر فن وجمال واتقان في العمل

‏خلصت عناصر الدرس ونطلع بالخلاصة والتوصيات

 

‏الخلاصة:
‏شكرًا استاذة ⁧‫#ليلي_عزالعرب‬⁩ على اختياراتك الذكية، سواء كنتي ممثلة او مذيعة او مديرة بنك، حضرتك مصرة على حاجات ومش بتتنازلي عنها: الجمال والنجاح والإتقان في العمل. طول الوقت انا مقتنعة ان المجال الفني والإعلامي محتاج لأمثال حضرتك عشان نكون بنية تحتية لصناعة المحتوى تكون مخلصة ومحترفة وأنيقة تليق بهذا البلد.

‏شكرا للفنان ⁧‫#هشام اسماعيل‬⁩ على ملاحظتك الذكية بان ⁧‫#شخابيط لماضة‬⁩ افضل مكان لها هو الانتاج لانها قادرة على توزيع الأدوار و عزف لحن شجي من اعمال اوركسترا يطربنا كمشاهدين ومحصرتهاش بس في الكتابة او الالقاء او حتى التمثيل. ملاحظة بتأكد ان الفنان الكوميدي لازم يتمتع بفراسة يحسد عليها عشان يقدر يؤدي اصعب الأدوار وهى الكوميديا

‏وأخيرا 
‏شكرا لفنانتنا ونجمتنا القادمة ⁧‫#عزة_حسني‬⁩ على تعبك السنوات اللي فاتت في تجميع محتوى خفيف الظل في أيامنا تقيلة الدم وإصرارك على العمل الجماعي في وقت كله بيستخبى بأعماله، شكرًا انك اختارتي البهجة طريق وصنعتي منها بسمة خفيفة على وشوشنا.فخورين بيكي كلنا و الحلقة أسعدتنا عشان كل نجاح اتكلمتي عنه في الحلقة اتعمل على ايدينا وعيشناه معاكي يوم بيوم. استمري وعايزين نشوف لك اعمال على الشاشة ان شاء الله.