المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منال عازر - رئيس تحرير بالتلفزيون المصرى

يوم هتدين ... بكرة تدان

طبل يللا وعيش يا معلم ...

عن فضيحتنا راح نتكلم   ...

منى وشيما وغيرها كتير  ...

أفضح شير قول تشهييير !

/ أنا أهو لابس لبس القاضى ...

وأوع تدافع أصلك فاضى ...

/ أما أنا فاهم وواعى وحاسس ...

ولأشكالهم كتير ... أنا دارس ...

/ سقفة كبيرة لسيادة القاضى ...

وأسف جدا ...أنا مش فاضى !

/ أنا مشغول بعبادة ربى ...

اللى أمرنى أستر ...أخبى ...

/ ورينى نفسك ...جوا مرايتك ...

شايف مين ؟  (  أهى دى حقيقتك )...

/ أما بره... انت تانى ...

انت حد مالهوش تانى !!!

/ ظبط جناحك وطير يا ملاك !

انت أبعد عن الهلاك  !

/ وده مش دفاع عن غلطة وخيبة !

انا بس هدفى أستر عيبة ...

/ أيامنا بكرة تلف وتيجى ...

وما نلاقى حد يرد الغيبة !

/ يوم  هتدين ... بكرة تدان ...

قالها الكاهن وصحاب الاذان ...

/ ما فى حد فينا من غير عيوب ...

بس (سبحانه حنين ورب قلوب )...

***                         ***                     ***