• مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

ضياء دندش

فركش

نفسي.. أبوس دماغك

بقلم .... ضياء دندش

الثلاثاء 05 فبراير 2019

مادة مهمة.. المعرض.. والأهلي

** بعد المؤتمر الصحفي للرئيس السيسي مع الرئيس الفرنسي ماكرون ماخلص كان نفسي أبوس دماغ الرئيس السيسي لما اتكلم بكل الثقة والقوة والعظمة والحزم والحسم وهو يوضح وجهة نظره عن مصر وإن حقوق الإنسان في الصحة والتعليم والمواصلات والعمل مش بالهرتلة علي السوشيال ميديا.. أيوه ياريس مصر مش هاتتبني بالمدونين إللي بيخربوا العقول وبيضحكوا علي الدقون.. وكفاية إنك كشفت الأوربيين علي حقيقتهم وخليت ماكرون مش عارف يرد لامن فوق ولامن تحت.. ويكفيك فخراً أن الصحافة ووسائل الإعلام الفرنسية أنصفتك ووافقت علي كل كلامك ووضوحك وهمه اللي هاجموا وكشفوا ماكرون عشان الناس اللي اتقتلت عنده في المظاهرات.. ويكفيني والشعب المصري فخراً أنك رئيسنا وقائدنا والأمين علي حقوق بلدك قبل حقوقك .." ياتري عرفتم ليه الشعب المصري إللي بحق وحقيقي عاوز الرئيس يستمر بعد الفترتين..عشان إللي بيعمله وشفناه منه ومش هايتعوض".. وإن شاء الله مستمر معانا لحد مايزهق مننا.. وتحيا مصر بشعبها وجيشها. 

** احفظوا "المادة 226"من الدستور المصري هتحتاجوها كتير قوي قوي الايام الجاية.. وبتقول: "لرئيس الجمهورية. أو لخىمس أعضاء مجلس النواب 20% . طلب تعديل مادة. أو أكثر من مواد الدستور. ويجب أن يُذكر في الطلب المواد المطلوب تعديلها. وأسباب التعديل. وفي جميع الأحوال. يناقش مجلس النواب طلب التعديل خلال ثلاثين يوماً من تاريخ تسلمه. ويصدر المجلس قراره بقبول طلب التعديل كليًا. أو جزئيًا بأغلبية أعضائه. وإذا رُفض الطلب لا يجوز إعادة طلب تعديل المواد ذاتها قبل حلول دور الانعقاد التالي. وإذا وافق المجلس علي طلب التعديل. يناقش نصوص المواد المطلوب تعديلها بعد ستين يوماً من تاريخ الموافقة. فإذا وافق علي التعديل ثلثا عدد أعضاء المجلس. عرض علي الشعب لاستفتائه عليه خلال ثلاثين يوماً من تاريخ صدور هذه الموافقة. ويكون التعديل نافذاً من تاريخ إعلان النتيجة. وموافقة أغلبية عدد الأصوات الصحيحة للمشاركين في الاستفتاء. وفي جميع الأحوال. لا يجوز تعديل النصوص المتعلقة بإعادة انتخاب رئيس الجمهورية. أوبمبادئ الحرية. أوالمساواة. ما لم يكن التعديل متعلقًا بالمزيد من الضمانات". 

** قبل معرض الكتاب الخمسين واحد صاحبنا قال مش هاينجح وإن فيه أدباء هايعملوا معرض تاني قصاده في وسط البلد.. وقلتله "مش هايحصل".. ونجح المعرض في التجمع الخامس وكسر الدنيا.. بذمتكم مصر لما تنظم عشرات المؤتمرات الدولية والعالم يتجنن بيها مش هاتقدر تنظم معرض الكتاب.. لسه فيه ناس نيتها مش حلوة.. وبرافو إيناس عبد الدايم. 

** لازم أحيي الوطنيين القائمين علي إعلام المصريين لأنهم أعادوا توفيق عكاشة للشاشة فهو المذيع الوحيد اللي بيعرف يخاطب كل فئات الشعب وبيوصل الرسايل الوطنية وهو سايب إيده بدون مجهود.. وكمان أشكر هؤلاء الوطنيين لأنهم هايظبطوا التليفزيون الرسمي بعد فشل المسئولين عنه..!! 

** سألوني: "إنت بتهاجم نائلة فاروق.. واللا بتحذرها من شلة مجدي لاشين ..؟".. قلت" نايله عارفه الإجابة.. اسألوها هاتقولكم".. بس خلاص..!! 

** واضح إن تركي آل الشيخ مش هايبطل يستفز الأهلاوية لوحدهم ..ده بيستفز المصريين كلهم لما بيتدخل في شئون اتحاد الكرة المصري.. وفي مداخلته مع مذيع "كتكوت" معرفش يرد عليه أوضح "الشيخ" عدم رضاه عن الاستثمار الرياضي في مصر.. طيب يا أخي ماتفكك من الموضوع ده وتفارقنا وتاخد الفريق بعيد عننا وتريحنا من "الدوشة دي" وكمان تخلصنا من البدري والشماشرجي وتريح نفسك من الشتيمة علي الفيس.. هو الأهلي دايماً بيوجع كده..إحنا الأهلاوية..إنت مين ياعم..!! 

** "طال عمري..حبيب أمي".. حلوة..!! 

** إيه الجمال والحلاوة والانتماء ده إللي في أغنية "معاك يا أهلي".. حد يعرف يعمل زيها.. كل التحية للشركة الوطنية "We". 

** عمنا شوقي حامد عمل حتة فقرة تحفة مع أحمد شوبير.. هايل وياريت بتوع بيراميدز يفهموا كلامك.. دول كسبوا الزمالك ظلماً وبهتاناً..والأهلي رجعلهم..!!