هاي سليب
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منال عازر

بشرى خير ... المنيا مش بخير

بقلم .... منال عازر

الاثنين 14 يناير 2019

ياللى غنيتوا للشراقوه والسوايسة والاسماعلاوية ... ومنستوش السيناوى والقناوى والمحلاوى ...

عندكم فكرة ... ايه هو حال المنياوى  ؟

هقولكم ...

المنياوى عنده فى كل قرية حادث ارهابى او على الاقل خناقة على الماشى كده بين مسلم ومسيحى ...

بعدها على طول يتهجر المنياوى ويسيب بيته وأرضه !

المنياوى ...حريمه بيتعروا ويتصوروا كمان ويتعملهم أحلى زفة !!!

المنياوى ...اياك يفكر يرفع صليب أو يبنى بيت يصلى فيه ... دى تبقى نهاية شارع بحاله ببيوته ومحلاته وعربياته !!!

طب نفسه يفرح ويعزم حبايبه فى دار مناسبة ...

لا دار مناسبة ولا غير مناسبة ...

يا منياوى فوق ... متبصش لفوق  !

دبر أمورك  بعيد يا قبطى ...

جوازة كانت او جنازة !

المنياوى معندوش قانون ... بس عنده قعدات عرفية وكراسيها كتييير !

ولو ختمنا ببداية الاغنية ... هنقول

 ( خدت ايه المنيا بسكوتك ...

متستخسرش فيها صوتك...

أصرخ دايما وأرفض ذلك ...

ولا تقبلش بحل يذلك ...

قول انا مصرى قول انا قبطى ...

دية أرضى زيك زيي ...

سامح أيوة بس لحد ...

متخليش سماحتك فرض  !

وختاما ...

ياللى غنيتوا بشرة خير ...

المنيا هناك مش بخير ...

 

 

رئيس تحرير بالتلفزيون المصرى...