• مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منال عازر

العيون يابانى ... والفعل مصرى

بقلم .... منال عازر

السبت 24 نوفمبر 2018

شاهدت بالصدفة فيلم ( يابانى أصلى )... وهو من نوعية الكوميديا السوداء التى تحكى عن وباء الفوضى المتفشى فى مصر... وسبقه  بنفس الاسلوب والمعنى  فيلم ( عسل اسود )..

الفيلمان تحدثا عن زائرين لارض مصر من دول اخرى ... النصف مصرى والنصف جنسية اخرى ...

وبمجرد مشاهدة هذه الافلام يتبادر الى ذهنك فورا المثل المصرى الاكثر انتشارا خصوصا الايام دى ...

( هم يبكى وهم يضحك ) !!! يعنى ممكن تضحك جدا بس فى نفس الوقت قلبك واجعك ووشك مكشر وممكن كمان دموعك تنزل !!!

وتخيلت العكس بدل أن يأتى اليابانى لمصر ... هيسافر المصرى لليابان  ... الاب يابانى والام مصرية ... وعاش عمره كله فى مصر فى حى شعبى واخيرا قرر يسافر لوالده فى اليابان... وبما ان الموضوع كله كوميديا X   كوميديا ( سوداء طبعا )... استعرت الجملة الشهيرة لبرامج الكاميرا الخفية وبقولكم ( ما تيجى نشوف ) ...

نزل المصرى ارض المطار فى اليابان ... الكل مبتسم  ...وسعيد بخدمته ...اللى بيشيل  الشنط واللى بيتصل بمواصلة مناسبة  عشان يوصله للعنوان ...وطبعا المصرى حس انه وزير وهو مش واخد باله وان حضارة سبعة الاف سنة برضو عاملة شغل برة...وبتعالى وغرور  الشخصية الكاريكاتيرية لمصطفى حسين

 ( الكحيت الاليت ) مد ايده فى جيبه يطلع البقشيش ...واتقلب المنظر من الابتسامة للتكشيرة  واختفى اليابانى ... واستغرب المصرى ابو عيون يابانى وزعق وقال ... هو ليه مقاليش

( كل سنة وانت طيب يا بيه ؟!

ركب المصرى ابو عيون يابانى الاتوبيس ... واول ما استقر على كرسيه طلع موبايله وقال يطمن الاهل والحبايب انه بخير ... زى ما هو متعود  فى ميكروباصات وتكاتك واتوبيسات مصر ...وبدأ الكلام  ( اللغة مصرى والحنجرة طبعا مصرى  !!! اما الودان اليابانى مستحملتش        !وهوب اتفتح الباب واتحدف المصرى ابو عيون يابانى من الاتوبيس ! مع انحناءة يابانى بالاعتذار ...

ولأنه طبعا من الناس حب يعمل زى الناس  ! وجرى على أول حيطة قابلته ! بس اتعلق من كتافه بايد يابانى ابن يابانى ... واتزق المصرى ابو عيون يابانى فى حمام يابانى موجود فى الشارع ...وبعد معاناة طبعا مش عارف يتعامل مع النظافة والزراير خرج يزعق ويقول ...فين  الراجل اللى ماسك المناديل !!!

وصل المصرى  فى النهاية لبيت أبوه ... اللى اتجوز تانى مصرية  ! وبقى عنده اخوات مصريين بعيون مصرية  بس الفعل يابانى مش مصرى  !!!

خلاصة رسالتى من كلماتى البسيطة ...

 عايزين أحلى ما فى المصرى وياريت تكون الكمالة يابانى ...

 

رئيس تحرير بالتلفزيون المصرى...