رَمَضَانَ والناس
هيرمس
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

ضياء دندش

فركش

أيوه .. راجل ابن راجل

بقلم .... ضياء دندش

الثلاثاء 16 أبريل 2019

محافظ إنسان .. وفنان جدع

 

** متهيألي إن الرئيس السيسي ماسافرش رحلة فسحة ونزهة للخارج من سنين طويلة وأن كل سفرياته منذ تخرجه في الكلية الحربية للعمل والعمل فقط.. ومن هنا أؤكد أن الجولات المكوكية الخارجية للرئيس أعادت مصر لتصبح بؤرة اهتمام واحترام العالم.. وبصراحة يكفيني شخصياً أن رئيسي وقائدي وزعيمي لا يطلب زيارة البيت الأبيض بالذات كما تعودنا من قبل ولكن أمريكا هي التي تطلب تشريفه لها لتستمع إلي أرائه ورؤية مصر في قضايا المنطقة والقارة السمراء وليس فيما يخصنا داخلياً لأنه منذ ثورة 30 يونية ممنوع تماماً أن يتدخل أي حد في أمورنا.. ويكفيني فخراً أن قضايا أفريقيا بدأت تتحرك عالمياً علي إيد رئيسي.. طبعاً كل هذا بجانب شغل البلد من الداخل.. ولذلك دعوتي الدائمة "ربنا يقويك ويقدرك يا زعيم مصر.. ومعانا للأبد".. آمين. 

** "اللي قلبه ع البلد دي.. واللي هايعلي البلد دي.. يبقي راجل ابن راجل" أجمل ما غنت نانسي عجرم ولحن المبدع العبقري صديقي القديم وليد سعد وكلمات الوطني الجدع ملاك عادل.. وعن نفسي شايف إن الكلام ماشي قوي علي كتير من المسئولين وأبناء الشعب اللي بجد وأولهم الرئيس السيسي. 

** أكرم عماد شاب من أبناء مهرجان المسرح الشبابي قفز في حمام سباحة بشرم الشيخ فاتشرخت رقبته واحتاج للسفر للقاهرة فأمر المحافظ المحترم خالد فوده بنقله في عربية إسعاف مجهزة علي أعلي مستوي.. وكلم وزيرة الصحة واستجابت فوراً لإجراء العملية علي نفقة الدولة ولكن اتضح إن الجراح الكبير ما بيشتغلش بفلوس الدولة وقام الفنان الإنسان الجدع محسن منصور بتولي المسئولية وتكلم مع ولاد الحلال وجمع المبلغ المطلوب ونجحت العملية ورجع الولد لبيته وقاللي محسن "دي فتوحات ونفحات ربانية".. ياريت الرسالة تكون وصلت..!! 

** أقول للشعب السوداني بعيداً عن الإرهابيين "حطوا بلدكم في عينيكم وحافظوا عليها.. بلدكم اللي هايفضلكم.. خليكم ورا قيادة وطنية بتحب بلدها وشعبها.. اوعوا حد يجرجركم للتخريب أحسن تدفعوا فاتورة غالية قوي.. اتعلموا من أختكم مصر.. وربنا يهدي الحال". 

** لا ينكر أحد ما قدمته الشركة الوطنية "برزينتيشن" للكرة المصرية.. ولا ينكر أحد ما يقوم به محمد كامل وعمرو وهبي للتقدم أكتر من كده.. ولذلك لي طلب شخصي أن ياخدوا بالهم من العاملين بقناة نايل سبورت حيث لا يشعرون بعدم الأمان بعد ماركب "شلبوكة"رغم افتقاده للمصداقية بعد اللي عمله في انتخابات الأهلي.. ياريت يا كامل تعمل قعدة مع الناس وتسمعهم.. وعارف إنك راجل قوي عشان أهلاوي. 

** قيادات ماسبيرو السابقون.. ربنا يصبحكم ويمسيكم بمليون خير.. تخيلوا جه اليوم اللي طقم برنامج في القناة الثالثة يلموا من بعض ويشتروا أنتريه عشان الضيوف يقعدوا علي كراسي محترمة بعد القديم ما بقي روبابيكيا.. أتكلم عن فريق برنامج "العاصمة والناس" في ستوديو-32- وقبل ما قولهم متشكرين أسأل "فلوس التطوير والديكورات بتروح فين".. طب إيه بقي..!! 

** لمن يهمه الأمر من أي حتة.. "م.ح" و"ع.ز" و"ع.إ" ومعاهم المذيع "ط.س" تم رفع درجاتهم في التقارير السنوية بتعليمات "تيحه" المعجزة.. وغصب عن بوز التخين..!! 

** يقولون خالد قابيل أقوي واحد بالتليفزيون.. نجح في تعيين مراته مديرة للبرامج الرياضية..!! 

** والتر أرمبرست باحث أجنبي أطلق علي توفيق عكاشة "حاوي الثورة المصرية".. حد عاوز يقول حاجة..!! 

** ولا أهلاوي زعل بخروج الفريق من بطولة أفريقيا عشان خيرها في غيرها "الدوري".. لكن 85 مليون أهلاوي مبسوطين موت بجمهورهم العظيم اللي عمل ملحمة.. وجاساما كان بيحكم ماتش في السعودية من أيام.. ولمعشوقي وحبيب العرب والمصريين "الخطيب" أقول "حسين الشحات لا مؤاخذة طلع فنكوش كبير ولو بعتوه مش هايجيب تلاتة تعريفة.. وكفاية بقي أحمد فتحي وحسام عاشور ومروان محسن.. وياريت لاسارتي يفضل مكانه". 

** لما صادق الصباح ينتج مسلسل أحمد السقا "برافو" ولما يجيب علي ربيع "لامؤاخذة"..!! 

** سمية الخشاب: خسارة في "المدمن".. متعمليش كده تاني. 

** ياااه.. بقي عندنا واحد بيغني وبيقلع علي المسرح..!! 

** بيراميدز.. حظوظ..!!