هاي سليب
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منال عازر

  أنا الشهيد ... حبيب الله

بقلم .... منال عازر

الأحد 09 يوليو 2017

لا اله الا الله ... الشهيد حبيب الله...

لا اله الا الله ... الارهاب عدو الله ...

وقف الهتاف وجت خلاص... لحظة وداعك...

ومش هشوفك تحت التراب ...وهيبتدى وقت اختفائك...

قلبى انفطر. داب وانكسر ...

ووقفت أبكى وأبص فوق...

شفتك بتبعد لفوق لفوق ... لحد أبواب السما...

مديت ايديا وقلت خدنى أروح معاك ...ما عيش هنا...

نزلت دموعك وسط ابتسامتك تترجى فيا متحزنيش...

صرخت فيك ...ازاى فى بعدك يابنى انا هقدر أعيش؟!

رديت وقلت...

هتقدرى وهتصبرى عشان أنا مش بعيد ...

طب ده أنتى حقك تفرحى خلاص بقيتى أم الشهيد...

مع كل نصرة هتشوفينى...

فى عيون ولادى هتلاقينى ...

عايزك تملى رافعة راسك...

ده أنا الشهيد أنا نبراسك...

سمعتى يأمه فى الجنازة كان هتافهم ايه معناه ؟

أنا الحبيب أنا الغالى فى حضن ربى عايش معاه...

وليا عندك طلب اخير ...

انسى اسمى فى الشهادة ...

اسمى الجديد ... أنا الشهيد...

اما اللقب ...( حبيب الله ) ...

 رئيس تحرير بالتلفزيون المصرى ...