بث مباشر
أخبار التعليم
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منال عازر

رمضان  بيحلفنا

بقلم .... منال عازر

السبت 01 يونيو 2019

حوار صديقى المسلم مع شهر رمضان الكريم

 

فاضل خلاص يومين ويمشى  !

وفى عز زعلى ودموعى تجرى ...

قرب وقالى / مالك يا ابنى ؟.

قلت / أنت ماشى وكل حاجة حلوة هتمشى خلاص وراك

        وهتختفى لغاية ما ترجع ... وترجع معاك !

رد وقال / مين قال كده ؟ أنا معاكم طول السنة ...

رديت وقلت / ده المفروض بس مش كل المفروض موجود...

انت بتمشى وبنرجع تانى ... كله لطبيعته وكتير بنعانى ...

رد وقال بصوت غضب وجواه ألم .../

 أنا مش مسكن ولا وقت محدود ...

أنا فيكوا بسكن وماليش حدود ...

عارف يا أبنى العيب فى ايه؟...

رديت بلهفة نفسى أعرف ياريت تقولى...

أكيد هقولك ... العيب فى ناس فاكرانى فرض يخلص ميعادى وأيامى تجرى وهما يجروا على الدنيا جرى !

العيب فى ناس بيمثلوا دور التدين ماسكين فى ايدهم حصالة تجمع حسنات تهون !

العيب فى ناس بيفكروا ويجددوا من شغلهم طول السنة عشان عباد الله ينصرفوا عنه فى شهرى أنا !

جيت أرد ملقتش رد وحسيت كلامى هيلاقى صد ...

 ما هو أصله فعلا عنده حق !

والحل ايه ؟...

رد وقال ... الحل أنك تعيشنى دايما ومتنسانيش باقى السنة...

وبحلفكم بالله ورسوله ...

اوعوا تنسوا فقير محتاج...

ولا حد مريض ناقصه علاج ...

جارك حنا وصاحبك مينا أوع تسيبه ...

أحمى كنيسته فى ليلة عيده ما أنت حبيبه ...

وبحلفكم بالله ورسوله ...

أوع تقول شهر وعدى وخلاص أهو فات ...

وتعيش باقى السنة فاكرنى بذكريات ...

خليك فاكر ...

( رمضان مش شهر فى السنة رمضان حياة طول السنة )

كل سنة وانتم قريبين وطيبين وفى حبى متجمعين ...

أشوفكم على خير...