المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منال عازر - رئيس تحرير بالتلفزيون المصرى

من مسجد الروضة ... ( الأب وابنه)

على وين يا أبويا رايح تاخدنى ؟...

يا ابنى تعال واياك تخاف ... ده أنت فى حضنى ...

هعلمك ازاى تصلى وازاى تسبح وكام ركعة تسجد ...

هنا فى المكان ده دايما أمانك ...ده أسمه مسجد ...

الله يا ابويا ...ده ناس كتير الركعة واحدة والسجدة واحدة وكلام جميل ...

مش قلت لك ...  يللا يا ابنى  ... نسجد معاهم ...

الله أكبر...

سكت الادان والبندقية اتكلمت...

ركعوا وسجدوا والسجدة طالت ...

وصوت الرصاص خلا جباه الكل مالت ...

خرج الرصاص وفى الضهور راح استقر...

ولفين هنجرى ولفين هنهرب مفيش مفر...

فين الامان يا ابويا قولى مش هو ده بيت ربنا !!!

مين دول يا ابويا جاوبنى قولى ضربونا ليه فى ضهرنا ؟!

حضنه أبوه والدم ينزف من كل جسمه ...

قاله ما تيأس ولا لحظة تضعف الروضه هو مسجدك...

تعال دايما سبح وصلى وزود تملى فى ركعتك...

أرواحنا دايما هتلتقى ...

وفى كل جمعة هصلى عندك...

احجز مكانى فى الروضة جنبك...

سلام يا ابنى...

سلام يا أبويا...

رئيس تحرير بالتلفزيون المصرى ...