رَمَضَانَ والناس
هيرمس
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

ضياء دندش

فركش

مصر بتاعة زمان

بقلم .... ضياء دندش

الثلاثاء 19 فبراير 2019

القبعة للبرلمان.. دورك ياشعب

** عارفين يعني إيه مصر تبقي رئيس الاتحاد الأفريقي.. يعني هانشيل القارة فوق دماغنا لأن كتفنا اليمين شايل البلد من جوه والكتف الشمال عليه علاقاتنا الخارجية.. يعني هموم القارة كتيرة ومتنوعة لكن بعون الله قادرون عليها وكما تعودنا من الرئيس السيسي يتحمل المسئولية أكتر من الكتاب مابيقول وعمره ماضيع لحظة بدون شغل وتفكير وتخطيط وتنفيذ.. وبدأ العمل فور تسلمه رئاسة الاتحاد بأثيوبيا بوضع الخطط والاسترتيجيات القادمة.. ثم عاد يوماً واحداً للوطن وسافر لألمانيا وبدأ العمل لصالح أفريقيا. 

..وعارفين يعني إيه السيسي هو أول رئيس غير أوروبي يلقي كلمة في الجلسة الرئيسية لمؤتمر الأمن بميونيخ.. يعني مصر لها قيمة وحجم كبير في أوروبا ويعني رئيسنا له ثقل واحترام وتقدير غير مسبوقين من العالم الغربي.. وبجد حاجة تفرح وتحسسنا بالفخر.. وعشان كده أنا عن نفسي مش ممكن أوافق علي فترتين بس للرئيس لأسباب كتيرة أهمها إني ماشفتش منه حاجة واحدة غلط ولا لفظ كده واللا كده ومش هاتكلم عن اللي قدمه وعمله للبلد وللشعب العبقري اللي واقف صفاً واحداً خلف بلده وقائدها وجيشها بدون انتظار لمقابل أو "رد الجميل" لأن مصلحة البلد والشعب والقائد واحدة وكلنا في مركب واحد يسير بقبطان ماهر وفي مخلص عاشق لتراب مصر وشعبها.. وبالتأكيد الشعب هايقول كلمته بضمير وفهم ووعي ونفسية مستريحة يوم الاستفتاء علي التعديلات الدستورية إن شاء الله..وهي دي مصر بتاعة زمان.. وتحيا مصر.. للأبد. 

** لابد ان نرفع القبعة وننحني احتراماً للبرلمان الذي تعرض للظلم بسبب قلة من أعضائه الخارجين علي المثل والقيم والمبادئ الإنسانية والاجتماعية.. ضرب البرلمان النموذج المحترم عند التصويت علي التعديلات الدستورية بكل ديمقراطية وحرية بمعني الكلمة..كل نائب قال رأيه براحته واحترم الجميع كل الأراء بدون تجاوز ثم تمت الموافقة بأغلبية ساحقة تؤكد الوعي الشديد بمقدرات واحتياجات البلد والشعب في الفترة القادمة..وألف شكر للموافقين والرافضين. 

** تخيلوا الدولة بتحاول تزود تمكين المرأة وييجي حد يوشوشني إن أحمد مجاهد عضو إتحاد الكرة عاوز يلغي مقعد المرأة ويبقي ترشيحها مع الرجالة.. وكمان عاوز يلغي بند الثماني سنوات عشان يدخل الدورة الجاية..وكمان إنه مش طايق أحمد شوبير..يانهار مدوحس كل ده يامجاهد..إنت نجحت إزاي..!! 

** توفيق عكاشة: كنت مدرسة الإعلام الشعبي في الفراعين.. ودلوقتي صاحب مدرسة المقال التليفزيوني في قناة الحياة.. كل التحية لإعلام المصريين.. وبالمناسبة باقول لواحد مجنون. "محدش يتشرط علي إعلام المصريين..إلعب بعيد ياشاطر"..!! 

** مجدي لاشين: ما شفناش مسئول لبس البيجامة وبيروح ماسبيرو حتي لو كان مستشار.. وإذا بتروح عشان المجلس يبقي تخليك في الدور التاسع وماتنزلش التامن.. صبيانك مش هايعملوا حاجة ..!! 

** متهيألي برنامج "الست هانم" بالقناة الأولي بنشوف نسخة منه بالظبط علي فضائيات تانية.. ستوديو شيك وأربع مذيعات ونفس الموضوعات.. والفايدة الوحيدة إن المشاهدين خلصوا من "مها..ألووووح"..!! 

** عمرو أديب: علاء مبارك بعتلك رسالة علي تويتر.. ماينفعش ترد عليه في برنامج علي قناة محترمة.. لازم تمشي..!! 

** وجود محمود الخطيب في المدرجات مع الجمهور بيعرفك مين هو الأهلي وبيشحن اللاعيبه.. سيبك إنت برضه التاريخ تاريخ..!! 

** طول عمر جمهور الأهلي والزمالك بينكشوا بعض لكن عمرماحصل بينهم فتنة..ولاهاتحصل ..عشان ولاد عم..!! 

** ممثل كبير ضحك علي واحد وخد منه خمسة ملايين دولار عشان يعمله مسرحية بعد أن أوهمه إنه هايضحي بمسلسل ..الظاهر إنها فلوس حرام..!! 

** من أول ماظهر عادل إمام والناس بتعشقه..وبعد ماشتغل مع وحيد حامد زاد إحترام الجمهور .. ومن كام يوم بقي فوق رؤوس الناس عشان حافظ علي كرامته وتاريخه مش زي إللي باعوا نفسهم ..برافو يازعيم..!! 

** فيه حاجة مش طبيعية بتحصل عشان تدمير الفن المصري كله..ناس غريبة بتخش من سكات ..وبتكوش علي الشغلانه.. عاملين مش واخدين بالكم واللا إيه..!!

** كفاية بس إني بحبك يا"........"..!!