رَمَضَانَ والناس
هيرمس
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

ضياء دندش

فركش

رد الجميل..وجزاء الصابرين

بقلم .... ضياء دندش

الثلاثاء 09 أبريل 2019

سيناء.. فينك من زمان

** نتأكد يوماً بعد يوم أن الإنسانية هي أحد المكونات الأساسية لشخصية الرئيس السيسي ويبدو هذا من قراراته وتصرفاته التي تمس المواطن.. ومنذ فترة كتبت هنا إن ما يقدمه الشعب تجاه رئيسه لابد وأن يقابل بكل حب وإيجابية من الرئيس وهذا ماحدث عندما قرر الرئيس صرف العلاوات المتأخرة لأصحاب المعاشات وبعدها بقليل رفع الأجور للعاملين بالدولة وهذا مانعرفه برد الجميل.. الشعب تحمل تبعات القرارات الاقتصادية وبالتالي عندما تحسن الاقتصاد قرر الرئيس تحسين المعاشات والأجور يعني بالبلدي كده "علي الحلوة والمرة سوا" .. وذلك معناه أن الأفضل قادم لأن أحوال مصر والحمدلله في تقدم وربنا بيجازي الصابرين .. طيب إذا كانت الخيرات بتنزل علي البلد بالشكل ده مابالكم بقي لو اشتغلنا والانتاج زاد.. دي هاتبقي فل الفل.. وربنا يزيد ويبارك. 

** قصر ثقافة شرم الشيخ شيء عبقري ومبهر..مواطنة اسمها "شمس" قالتلي عارف القصر ده بقي ليه كده..قلت ماعرفش ..قالت " كان الرئيس السيسي في جولة وراكب العجلة وشاف العشوائية في المنطقة دي.. بس خلاص وبقت مكان حضاري وتحول قصر الثقافة لصرح مشرف"..وبعدها عرفت إن رئيس الهيئة أحمد عواض اشتغل بإيديه مع العمال ووفر المحافظ خالد فودة الإمكانيات لحد ماظهر الجمال ده للنور.. وعمار يامصر. 

** اللي يسافر جنوب سيناء بالعربية هايشوف عجب العجاب.. إيه الطرق العظيمة دي وإيه التنمية دي كلها وإيه العمار اللي سارح في الصحراء ده.. وعندما أبديت إعجابي للمحافظ خالد فودة ابتسم في ثقة وقاللي "ولسه .. فيه حاجات بتتعمل في صمت.. يعني كل فترة الناس تصحي تلاقي مشروعات".. وسرحت مع نفسي شوية وقلت يعني من خمسين سنة لو كل سنة اتعمل مشروع كان زمان سينا دي سيدة العالم اقتصادياً وسياحياً.. لكن كل شيء بأوان لان سيناء هي المستقبل بالفعل واللي هاتستحمل الامتداد البشري ..وربنا يدينا العمر ونشوف ده. 

** فاض الكيل بالعاملين في ماسبيرو فأرسلوا مجموعة استغاثات لجهات الدولة صاحبة القرار يصرخون من تأخر صرف علاواتهم من كذا سنة.. وكذلك يصرخ العاملون بقناة نايل سبورت من هبوط "شلبوكه" بالبراشوت عليهم واستولي علي مساحة مهمة ببرنامج مكرر ومعاد..يابخت من كان المسئول ابن خالته.. وبعدين بقي ياللي ماسكين في الكراسي.. علي فكرة .. آخرتكم قربت..!! 

** سمعت العديد من الآراء المختلفة في موضوع تعيين تامر مرسي رئيساً لمجلس إدارة dmc .. كل واحد فهمه بطريقته.. وهو ده المطلوب..!! 

** قالولي إن نائلة فاروق مش هاتقدر تخلص من اللوبي المضاد لها في التليفزيون..بصراحة مقدرتش أرد..!! 

** حذرت وغيري من حفلة ممثل البلطجة.. وحدث ماتوقعناه من مهازل ضربت الطرب والغناء في مقتل واكتفت نقابة الموسيقيين ببيان مفهمناش منه حاجة.. والله العظيم "المهرجانات" اجدع ألف مرة من الهلس ده .. ده الله يرحمه أحمد زكي قدم أغاني بجد في أفلامه ومافكرش يعبيها في شريط.. عموماً ده فقاعة صابون هاتختفي زي غيره..!! 

** الأهلي يغلب..الأهلي يتغلب.. ولايهمنا.. المهم إنه بيفضل الأهلي .. لكن مايمنعش إننا بنحزن قوي لما يبقي شكل الفرقة وحش..!! 

** والله العظيم اللي مبوظ الكورة في مصر شوية مقدمين برامج.. تصوروا كل لاعيب يجيب جونين يقولك يستحق يروح المنتخب.. والله ربنا هايحاسبكم .. ارحمونا بقي..!! 

** الحقيقة نجح أيمن سالم في تغيير شكل الشاشة بقناة "أون سبورت" .. ويتبقي بس إن كريم خطاب وإبراهيم عبد الجواد ياخدوا حصة في تقديم البرامج..!! 

** حد ينكر إن أجوان بيراميدز كلها حظ.. نص الأجوان المدافعين جابوها في نفسهم.. وشوية ضربات جزاء ..يعني مش حكاية فلوس..!! 

** لما تتجمع سميحة أيوب وسميرة عبدالعزيز وليلي طاهر في مكان واحد..لازم تحس بحجم مهرجان شرم الشيخ للمسرح الشبابي..!! 

** قنبلة مسرحية بيحضرها خالد جلال..انتظروها.