تعاقدت الفنانة هالة فاخر علي الاشتراك في بطولة مسلسل "حكم نهائي" وهو من الاعمال التي قررت الجهة المنتجة لها دخول سباق دراما رمضان في توقيت حرج مع اقتراب الشهر الكريم.
المسلسل تأليف الكاتب فداء الشندويلي واخراج وائل فهمي عبدالحميد بطولة المطرب مصطفي قمر . بشري. نضال الشافعي. ميرهان حسين. وهو من نوعية مسلسلات الـ 15 حلقة.
تقول الفنانة الكبيرة هالة فاخر: صحيح احنا متأخرين اوي بس معانا المخرج وائل فهمي عبدالحميد اللي اخد خبرة كبيرة ازاي يسيطر علي اللوكيشن ويحضر نفسه لشغل الزنقات لأننا فعلا مزنوقين بالوقت الضيق.. دا باقي شهر واحد علي رمضان.. بس هنيجي علي نفسنا ونضاعف ساعات التصوير عشان نلحق والحمد لله ان المسلسل 15 حلقة مش أكتر.. وعاجبني ان الموضوع كوميدي وانا بعمل دور الاخت الكبيرة لمصطفي قمر زي ما تقولي الخرزانة اللي تلسعه لو شافته عمل حاجة غلط.. وكمان الزملاء حلوين وحابين الشغل مع بعض.
اترك تعليق