رئيس مجلس الإدارة
طارق لطفى
رئيس التحرير
أحمد سليمان
الودود
لكل واحد فينا عايش مجروح وموجوع وساكت،
لكل واحد مشموت فيه؛ومايعرفش يكون شامت،
لكل إنسان مقهور؛ ومش فى ايده يعمل حاجة ،
لكل إللى مستنى حاجة تحصل؛ تغير كل حاجة،
لكل اللى نفسه الناس تعامله بس؛زى مابيعاملهم،
لكل إللى مغلوب على أمره ؛ وأمره مش هاممهم،
لكل اللى مش طمعان فى حاجة غيره؛وراضى باللى عنده،
لكل إللى عايز يعيش فى حاله ؛ وكل إللى حواليه معانده،
لكل اللى اتربوا على الأدب والاخلاق والاحترام بتاع زمان،
لكل اللى فى النهايات زى البدايات ؛ بيكون خلوق انسان،
لكل اللى نفسهم لماحديحبهم؛يحبهم زى ماهم بدون تغيير،
لكل اللى عشمهم هو بس فى ربنا ؛ وعشمهم فى ربنا كبير،
لكل إللى مش طمعان فى جنه،قد ماهو مش عايز يعيش فى نار،
لكل إللى بقا مش عارف؛فين الصح وفين الغلط؛ وبينهم بقا محتار،
لكل اللى كلامهم قليل؛ وان اتكلموا مافيش تهويل،
لكل اللى بيدوا لكل واحد حقه؛ ومن غير اى تقليل،
لكل اللى ماتحاولش تفهم؛ هم عايزين ايه بالظبط،
لكل اللى هم مش عايزين ..قيد ولا شرط ولاربط،
لكل اللى مالى قلوبهم،،رغم السواد إللى شايفينه؛ اليقين،
لكل اللى بنقول عليهم بحكم الناس؛ دول الناس الطيبين،
لكل الناس إللى بأتكلم عليهم ومقامهم فوق ،
الناس إللى هم شبهى؛وانا شبهم وكلهم ذوق،،
بقولهم :
ربنا بيحبنا ومتخافوش ..
وصدقوني..
إللى احنا فيه كله خير؛حتى لو مش فاهمين،
إللى احنا فيه كله خير؛حتى لو مش حاسين،
إللى احنا فيه كله خير؛حتى لو مش شايفين،
إللى احنا فيه كله خير؛حتى لو مش راضيين،
وإللى جاي كمان كله خير؛لازم نكون مطمنين و متأكدين،
عشان إللى بيحبنا هو{الودود} الكريم الرحيم رب العالمين.
مولاناوالعاشق_محمدزكى
اترك تعليق