شعر: عماد الحصرى
اشوفك بخير يا مصر .. خلاص باقى ساعات_x000D_ برتب خلاص شنطتى وباخد كل الحاجات_x000D_ وسلمت على كل اهلى وولادى والبنات_x000D_ وحاله حزن عامه واشتغلوا فى العياط_x000D_ ياما نفسى افضل شويه وليله كمان ابات_x000D_ _x000D_ اه يا دنيا غريبه..اه يا دنيا بحالات_x000D_ كنت بشوفهم بعينى هرجع اشوفهم فى شات_x000D_ ويبقى يومى اللى جاى يشبه يومى اللى فات _x000D_ والثانيه تفوت دقيقه..ودقيقه تفوت ساعات_x000D_ _x000D_ واحنا بندور فى ساقيه..بقينا زى الآت_x000D_ نفسى نرجع بلدنا ..بس علينا حاجات_x000D_ اللى عليه قروض واللى عليه شيكات _x000D_ ومشاكل فى الاقامه وهم فى الجوازات_x000D_ _x000D_ وساهر يبعت رساله يقولك ,مخالفات_x000D_ ماخلاص فى كل حته بيركبوا كاميرات_x000D_ فاضل تركب فى بيتنا وكمان فى الحمامات_x000D_ وناس تقولك ابشر طالما فى علاقات_x000D_ خليك خفيف عفيف .. خليك بتاع حركات_x000D_ دى مش رشوه يا محمد دى سداد متأخرات_x000D_ _x000D_ ويوم الجمعه نخرج نلف فى المولات_x000D_ ندور ع العروض وخصومات وتخفيضات_x000D_ ونشحن حبة كروت ونعمل تليفونات_x000D_ او ع البحر نقعد ودخان ومشويات_x000D_ والدنيا حولينا سمرا ماهى كلها عبايات_x000D_ ما الست يعنى شنطه ونقاب وجونتيات_x000D_ _x000D_ الناس فى بلدنا فاكره بنلم بالآلافات _x000D_ من كتر الهم عايز ..اعمل عشر عُمرات_x000D_ بكرهك يا غربه مُره .. بكرهك ليوم الممات