رئيس مجلس الإدارة
طارق لطفى
رئيس التحرير
أحمد أيوب
>
- الإسماعيلية جاهزة لاستقبال 350 ألف طالب في العام الدراسي الجديد
- بيان بدرجات الحرارة والظواهر الجوية المتوقعة غدا
- بوتين يؤكد التزام بلاده بمواصلة توثيق أواصر التعاون مع مصر
- الرئيس السيسى يؤكد حرص مصر على تذليل أي تحديات تواجه المشروعات مع روسيا
- بوتين يؤكد التزام بلاده بمواصلة توثيق أواصر التعاون مع مصر
طلع جوهرتك من الصَدفة ...
نورهان الجنيدى
إمسك حلمك...إمسك بكرة بإيدك وإحلم...إوعى تسلم او تستلم...سيبك...سيبك منهم...و إوعى تصدق اللى بيسخر أو يتكلم...
اتأخرت وايه يعنى !! ...اتأخرت شوية و ماله...ما لسة معااااك العمر بحاله...
خفوا كلام...ما كل واحد أدرى بحاله...
و اللى بيسأل أسئلة شخصية...شايفك طيب حسن النية... إتجوزت ؟!..طيب خلفت ؟!..لا...لا...لا... بس تخنت...إرفع أحلى...لسة القبض بتاعك ثابت رغم السحلة ؟!... آه لو تاخد الشقة الواسعة...
رد عليه... لو ليك على نفسك سلطان...أو تقدر تفتحلى بيبان...إفتح يلا...ورينا الهمة... ولا هتفضل بغبان.
الفرصة بتخلص لما نودع...افضل إخلص وافضل بدع... وسيبك منهم...سيبك منهم و ارضى بقدرك...شوف كام مرة ... كام مرة ربنا سترك !!
شوف كام مرة فى عمرك خوفت...شوف كام أزمة بعينك شوفت...واقف جامد واستحملت...و لا مرة ضعفت و لا استسلمت...فكر تانى...دور تانى...هتلاقى فكرة جميلة بالصُدفة... تايهة فى عقلك...طلع جوهرتك من الصَدفة
خايف من ايه...خايف تفشل !!...مرة,الثانية,الثالثة هتوصل...خايف تسمع كلمة فاشل...طيب إيه الأحسن ؟... تصمد و تقاتل...ولا تسيب عقلك للتوهة...و ترمى اللوم على ناس تانيين و انت الفاعل...
اتفااائل
اتفائل هتلاقى الخير... وانت مخير...اسعى و حدد ليك مصير...ده مش كلام شعر وأغانى...أنا مبقولش شعر و أغانى...ده رجاء إنسااانى...
دور تانى
دور تانى...علشان لو ضيعت شبابك...هتعيش طول عمرك بتعانى...و سيبك...سيبك من ناس حشرية...ناس نسيوا الحكمة الإلهية...عايزين الأخبار حصرية...ناس ماشية تعوض فى عيوبها...بالفرحة فى قلوب مأذية...
و أما هتوصل...هتلاقى تليفونك بيرن...عمال بيلح و بيزن ...طبعا عارف هيكون مين...سيبك منه...أصل الحاقد عمره ما هيحن
اترك تعليق