رئيس مجلس الإدارة
طارق لطفى
رئيس التحرير
أحمد سليمان
يحيى الفخرانى يككشف لـ صاحبة السعاة سر تقديمه قصص القرآن الكريم
تحدث الفنان يحيي الفخراني، عن كواليس تقديمة لسلسة قصص الآيات في القرآن للأطفال، موضحا أنه كان يقدمها للمسلمين والمسيحيين.
وقال الفخرانى خلال لقائه مع الفنانة إسعاد يونس في برنامجها صاحبة السعادة: أنا لما شوفت قصص القرآن حسيت أني لازم أعملها ومينفعش أعتذر عنها، وكان شرطي الوحيد في الأول أن يجي حد متخصص وقارئ يقرأ الآيات في الحلقات.
وواصل: وكنت بجمع أحفادي وقرايبنا اللي في نفس العمر مسلمين أو مسيحيين، ولاحظت أنهم ساعة قراءة آيات القرآن بيبقوا مشدودين جدا، وقررت بعد كدا أنا اللي هقول القرآن بس يكون معايا حد متخصص بيصحح لي، وعملت كدا واتفرجوا بشكل مختلف.
وأضاف يحيي الفخراني: لأنهم أول ما بيلاقوا قارئ بيشعروا أن دا القرآن بتاع الكبار اللي في الردايو، وانا بقيت أقرأ القرآن بإحساس مختلف، وبقى يتفهم أكتر وأحلى ومفهوش تجويد القرآن اللي متعودين عليه في الراديو، وحبيت أكمل كل القصص بنفس الطريقة.
اترك تعليق