رئيس مجلس الإدارة
طارق لطفى
رئيس التحرير
أحمد أيوب
>
عاجل
- النشرة العقارية| جولة في أبرزالأخباراليوم الخميس 20 أغسطس 2026
- حملة مكبرة تضرب الإشغالات بالحصري والأمريكية بـ 6 أكتوبر.. فيديو
- أحمد الشيخ: الجزار سيكون أساسيًا في تشكيلة عموتة وفخور بـ حمزة
- جهاد جريشة: ركلتا جزاء لم تُحتسبا لـ الأهلي أمام برشلونة
- كل شيء عن أسعار الحديد والأسمنت بالأسواق.. الخميس 20-8-2026
مشاعر للبيع
كلمات: ياسمين حافظ
قرب تعالى وشوف
مشاعر هنا للبيع
معانا مشاعر مليانة خوف
و مشاعر تحكمها الظروف
ومشاعر تلج صقيع
قرب كمان وكمان
هتشوف أشكال وألوان
في قلوب مليانة حنان
وقلوب حياتها بتضيع
ومشاعر ماتت من زمان
حلفت تقسم وتبيع
ومشاعر لا بتعرف تنام
ولا عارفة تعيش في أمان
ونصيبها تتعذب وتضيع
ومشاعر بالحب تدلدق
ع كل معدي وتدقدق
وفي الآخر ماينوبها إلا التقطيع
تعالى شوف واتفرج
معانا مشاعر بتهرج
وهتعرف تلعب بيك
ومعانا مشاعر بتتناصح
وقت المصالح بتتصالح
ومشاعر بتتصنع وتصيع
قرب كمان وكمان
تعالى شوف واختار
معانا قلوب من نار
وقلوب عاشت تنهار
وقلوب نور ع نور
وقلوب غرقانة من الخير أنهار
قرب ولا تحتار
واحجز مشاعر للبيع
اترك تعليق