وشوش ووشوش

رئيس مجلس الإدارة

طارق لطفى

رئيس التحرير

عاجل

وشوش من غير رتوش؛

ووشوش قلبها منفوش.

ووشوش تضحك فى وش وشوش؛

وفى الضهر تغدر وتسيب جروح وخدوش.

ووشوش اللى جواها براها؛مالهاش فى حلق حوش.

فى وشك زى فى ضهرك؛فى شغل اللوع ملهوش .

سيبك من اللى بضحكة صفرا يقولك ياباشا يابشبوش.

ويضحكك ؛ويضحك عليك اللى يسوو واللى مايسووش.

صاحبك اللى ينصحك بالخير ؛والشر عنك فى الشدة يحوش.

وهو اللى يلزمك؛ واوع تعمل نفسك فى يوم ماتعرفوش.

إحنا فى زمان الخير على الوشوش مرشوش.

لكن الشر للأسف جوه القلوب منحوت منقوش.

إفهمنــــى شكــــــــــرا.

#مولاناوالعاشق_محمدزكى