السوق

رئيس مجلس الإدارة

طارق لطفى

رئيس التحرير

عاجل

تحس ياصاحبي إننا عايشين في سوق كبير

ملهوش حيطان ولا بيبان والناس التايه كتير

فيه اللى عنده بضاعة من قبل ما يعرضها متباعة

وفيه اللي يدوب يظهر بشوية خضار أو عسل وفطير

بص هناك ده التاجر الكبير عنده أيه؟ حديد خرده مخليه مليونير

أما أم بتعة وسكينة حالتهم كرب

من كتر العوزة والحاجة يادوب يبيعوا جرجير

ويروحوا ب10-20 أقول 30 جنيه وأهو رضا هو احنا هنروح فين

مع المعلم أبو ستة والا المعلم دردير

تُجار كبار بضاعتهم للتصدير والمفعص للفقير واللي باظ للحمير

كُل يابيه وأدفع دولارات أو ميات

وأنت يابنى روح اشحت جنيه من البيه قبل ما يمشي

سوق والدنيا فيه تلاهي . سوق والناس تايه في الملاهي

فيه الشقيان والتعبان والغلبان والهانم اللي بتطرقع الصوابع واللبان

وفيه اللي ايديها اتشققت من النظافة والصدا

ماهو سوق وفيه جري الوحوش اللي بتدوس على الضعيف

اللي هو يادوب جاي في الدنيا زي الضيف

وأهو سوق