رئيس مجلس الإدارة
طارق لطفى
رئيس التحرير
أحمد أيوب
>
ماتحكمش
كلمات: ياسمين حافظ
وليه تحكم عليا
وانت متعرفش ايه بيحصل فيا
مش لازم أكون بتقطع
وألم الكل حواليا
انت ممكن تشوفني سعيد
وحلو ولابس جديد
وتقول يابخته خيره بيزيد
والحقيقة إن الوجع قايد
والديون كترت عليا
ماتحكمش ع حد
وتفضل تتكلم عنه
الكل عايشها بالزق
ربك أعلم باللي شايله
خليك في حالك بجد
وسيب الكل في متاهته
ركز مع نفسك
وانشغل بيها
دي الناس كلها
ربنا اللي يعلم بيها
ولو غيرك عنده سعد
عنده أوجاع تانية مداريها
فبلاش نصدر أحكام
ع بعضينا
ونبص في ورقتنا
واللي ف ايدينا
اترك تعليق