مصر
  • 29℃ القاهرة, مصر

رئيس مجلس الإدارة

إيـاد أبــو الحجــاج

رئيس التحرير

عبد النبي الشحـــات

البريد المصرى
مين الغلطان؟!

الشاعر – محمد زكى

بقا بينى وبينهم ..مسافات وسنين؛



وكمان كتير اختلافات..

ومن غير عند وعناد.. واضحين.

مش عشان هم وحشين ؛ وأنا لأ،

ولاعشان أنا وحش؛ وهم حلوين.

لا..ده الاختلاف بدايته كان خوف؛

جاى من..اختلاف زاويا الشوف؛

بينى وبينهم إحنا الاتنين.

هم شايفين مصلحتهم.. فى الناحية الشمال؛

وأنا بحاول أقنعهم إن الصح بالناحية اليمين.

جايز أكون أنا غلطان،، طبعا وجايز جدا،

ومش عيب خالص يكونوا هم.. الغلطانين.

مش المهم ليه الغلط دلوقتى..ولا مين السبب!!

المهم ازاى يكون التعامل بين الناس فى الحالتين.

عمر ما كان الاختلاف عيب يتعاب علينا،،

ده من أهم حكم ربنا ..إنه خلقنا مختلفين.

لكن ليه وامتى بيتوجد العيب اللى يتعاب..؟!

لما إسلوب التعامل..مايحكمه اخلاق ولا دين .

هل فيه إحترام؟ ..وده أصله من رقى الروح؛

والا بيغلب على الأرواح إن أصلها.. من طين.

وبيبان الأصل بس..عند الخلاف والإختلاف؛

عمره مايبان ولايتقاس ولا يتشاف ..بين المحبين.

لأن فى أوقات المحبة..بتعمى العقول والقلوب للمحبة؛

لكن فى نار الخلاف..بتنصهر المعادن..وتتشاف كمان بالعين.

عشان كده فى ..

فى وسط الناس.. ناس أصلها ماس؛

وناس فى الاصل مش ناس،،

ومن أفعالها كلنا بنبقا.. مكسوفين.

إفهمنى شكــــــــــرا

#مولاناوالعاشق_محمد_زكى





يمكنك مشاركة الخبر علي صفحات التواصل

اترك تعليق