مصر
  • 29℃ القاهرة, مصر

رئيس مجلس الإدارة

إيـاد أبــو الحجــاج

رئيس التحرير

عبد النبي الشحـــات

البريد المصرى
اللى فات عمره ما عاد

بقلم - أحمد خليفة:



في البداية تبقى عيل خد ياواد روح ياواد
بعد حبة تشب حبة وتبقى سيرة ده قال وعاد
والسنين بتمر تجري تلقى نفسك فجأة راجل
مسؤولية وبيت وعيلة
ابن يكبر بنت تقدر والصغير شيلته شيلة
واللي يجمد يبقى راجل 
خد كمان حبة سنين
فجأة يعني تبقى عمو
بعدها تبقى انت جدو
ويقولولك شوف يا حاج
الصحاب تركوك وعدوا
اللي مات منهم وسابك 
واللي بيرجع شبابك
واللي راح تفتح له بابك
هو حبة ذكريات
تحكي حاجة من اللي فات
خد كمان حبة سنين
كل شيء لفه الحنين
حتى كلمة : قوم ياواد
والنهاية تبقى ذكرى زي الف من العباد
تلقى كلمة فيها حكمة يزينوا بيها الحداد
اللى فات عمره ما عاد
اللى فات عمره ما عاد





يمكنك مشاركة الخبر علي صفحات التواصل

اترك تعليق