مصر
  • 29℃ القاهرة, مصر

رئيس مجلس الإدارة

إيـاد أبــو الحجــاج

رئيس التحرير

عبد النبي الشحـــات

البريد المصرى
أنا المختلف

الشاعر -  محمد زكى

انا المختلف..



انا المحترف؛

انا اللى بيقولواعنى..

بنظرة حلوة بانجرف.

انا اللى كنت إمبارح..

فى حضن الهوى؛

وإنهارده طلع شمسه..

فساب القلب بمراره..

يعترف.

 

مين اللى قال عنى ..

ده واحد كان دنجوان؟!

مين اللى قال إنى ..

ليلى ونهارى العوبان؟!!

مين اللى بيقول عنى؟!!

مين إللى بيشيل منى؟!!

مين والا مين والا مين؟؟!!

مين اللى خلاني ..

عجزت قبل الاوان؟

 

يادنيا سيبك منى ..

والله بقا؛

انا مش عايز ..

حاجة منك؛

ولا عايزك ..

بيه متشعلقة،

ده انا نسيت الفراق..

زى ماإنسيت اللقا؛

كفاية حرام..

حتى فى المنام..

أحلامى ..

متبعزقة.

 

نرجع نقول..

والله ماهممنى؛

لا إنى أفضل عايش..

ولا الموت مستنى.

يومى زى بكره. .

زى اللى فات ذكرى؛

ولا بدور إنى ..

أكون متهنى.

 

وحشانى أيوه..

وطال الشوق ياأمايا؛

لا شوفت بعدك فرح..

والجرح جوايا.

صدق اللى قال..

بعد الأم والأب..

ماتستنى رحمة..

حد ؛

ولا تلاقى حتى ..

فى الحزن..

ضمايا.

 

مولانا_العاشق_محمد_زكى





يمكنك مشاركة الخبر علي صفحات التواصل

اترك تعليق