رئيس مجلس الإدارة
طارق لطفى
رئيس التحرير
أحمد سليمان
"ألفاظ سوقية و دفع باليد "التفاصيل الكاملة لأزمة جديدة المخرج محمد سامي مع ايمي سالم
أزمة جديدة يقع فيها المخرج محمد سامي مع الفنانة ايمي سالم، التي أعلنت تعرضها للاهانة من الاول أثناء حفل زفاف الفنانة نيللي كريم، ويرجع السبب لانتقادها سابقا مسلسله الرمضاني" نسل الأغراب".
روت إيمي واقعة إهانة محمد سامي لها كاتبة:"القصة إني في رمضان وقت عرض المسلسل، كنت زي كل الفنانين غالبا مش عاجبني المسلسل، فكتبت تعليق على بوست كتبه الصديق أيمن سليم السينارست، وكان تعليق منتقد للمسلسل، والنقد زي ما اتعلمنا جزء من الفن، ولازم الفنان يتقبل النقد لأنه ده الدافع الوحيد لتحسين أداؤه وتحسين إنتاجه، لكن إنك تلاقي فنان بياخد النقد على إنه خناقة شخصية، وعركة في شارع ومقاطعة وخلاف."
وتابعت "أنا مش هحكي عن علاقتي السابقة بإخوات الأستاذ محمد سامي البنات، وبزوج أخته اللي أعرفه قبل ما حتى آجي أعيش في مصر، إمبارح وأنا بتحرك في الفرح، لقيت الأستاذ المخرج المحترم أوي في وشي هو ومراته النجمة الأحادية التي لا تتكرر، فأنا لأني بنت ناس.. ولأني علموني إن انتقاد شيء قدمته في الفن مش خناقة وعركة، فلقيتني بنية صافية بقوله، هتسلم علي ولا مش عايز؟"
وأضافت "فما كان من الأستاذ محمد سامي المحترم أوي والراجل خالص، حرفيا بيدفعني بإيده بشكل عنيف وبيوسع الطريق لمراته، وكمان بيتلفظ بألفاظ سوقية عني، أنا سكت بس لحسابات، لأن تربيتي أولا متسمحش إني أنزل لمستوى الشوارعية والسوقية ده، وثانيا عشان الليلة الجميلة لنيللي تفضل ليلة جميلة."
تابعت "لكن حبيت أحكي الموقف بشكل علني هنا، عشان نعرف كلنا إزاي الأستاذ المخرج، شخص لا يعرف معنى الفن، ولا الزمالة ولا سمع عن الأخلاق، ولا يعرف ما معنى احترام المرأة، حبيت أقول الكلمتين دول عشان نعرف مين هو محمد سامي، شكرًا يا أستاذ محمد على أخلاقك، اللي فعلا شبهك."
لاقت ايمي تفاعلا كبيرا من الجمهور، الذي أعلن دعمه لها بشكل كامل، حيث جاءتها تعليقات عديدة عبر خاصية الرسائل الخاصة.
وحرصت ايمي على شكر الجمهور الذي ساندها، وقالت :" بجد اشكركم جميعا على الكلام الحلو اللي قلتوه في حقي،و الناس اللي بتقول لي اروح لحقوق المرأة و ما يلزم من إجراءات رسمية، فانا مش حكبر الموضوع اكثر ما هو كبر .. لأسباب كثيرة يمكن غيره يفهمها لانها ابعد ما يكون عن فهمه.. . اني في يوم من الايام كنت قريبة جدا لافراد عائلته".
بينما وصفت كل من هاجمها بأنها تسعى وراء" التريند" ب" الناس التافهة"، وقالت :" انا مش باقية على اي حاجة مؤقتة في حياتي، دة انا اخترت اروح لندن اقعد سنة، عشان ابعد عن السواد والهيافةوالنميمة، وسعوا مدارسكم من التفكير الضيق دة.. كفاية فراغ وهبل".
واختتمت كلامها بطريقة ساخرة، وقالت: على رأي المثل الايمزاوي:"لجانك الإلكترونية مش بتاثر فيا"
الأكثر مشاهدة
اترك تعليق