رئيس مجلس الإدارة
طارق لطفى
رئيس التحرير
أحمد سليمان
مروان يونس عن تامر حسنى: " رقم 1 في السينما والأغاني"
تحدث المذيع مروان يونس، تفاصيل مواقف إنسانية جمعته بالمطرب تامر حسني، التي كان أخرها تلبيته لحضور حفل زفاف المذيع منذ بضعة أيام رغم انشغاله.
وشارك مروان تفاصيل المواقف متابعيه عبر حسابه الشخصي على موقع التواصل الاجتماعي “فيسبوك”، قائلًا: “عندي اعتراف.. وأنا صغير في سن المراهقة ماكنتش بحب تامر حسني.. ولسبب تافه جدا.. البنت اللي كنت بحبها كانت بتموت فيه وبتغصبني اسمع أغانيه بالعافية.. فكبرت مابحبش تامر حسني ولا أغانيه”.
وتابع: "لحد ما اتفرجت على أفلامه واكتشفت إنه لذيذ وبيضحك وشاطر ومجتهد.. وحط فوق كل ده إني سمعت من الناس اللي كانت بتقابله في الحقيقة إنه شخص ماتجننش من الشهرة وإنه في منتهى التواضع.. غير البوستات اللي كنت بقرأها عنه وقد إيه بيبذل مجهود عشان يسعد الناس.. فقعد يكبر في نظري حبة حبة لحد ما بقيت بحبه جدا وبحب أغانيه".
وأضاف مروان: "يشاء القدر إن الراجل الجميل ده يشوف فيديوهاتي والحياة تجيبنا وتودينا ونتقابل سلم عليا بمنتهى الحرارة وكان مهتم جدا إننا نتكلم كلمتين مع بعض وإنه يديني وقت بالرغم من إنه كان مفشوخ تصوير.. عزمته بقى على فرحي كده اللي هو أنا عارف إنه مؤدب ومش هايكسفني بس أكيد مشغول ومش هاييجي.. لاقيته عمل مفاجأة وجيه فعلا وغنى نحو نص ساعة من نفسه بالرغم من إني قولتله إني عايزه يجي يقعد ويتبسط ومايعملش حاجة خالص".
واختتم مروان يونس حديثه قائلًا: “النهارده ومن موقعي هذا أنا محتاج أقول إني بحب وبحترم تامر حسني جدا.. أنت إنسان متربي وعارف قيمة النعمة.. وعشان كدة أنت رقم واحد في السينما وفي الأغاني.. أخلاقك العالية دي والبساطة اللي بتتعامل بيها مع الدنيا هي سر نجاحك.. ربنا يكرمك يا أخي بقى”.
اترك تعليق