رئيس مجلس الإدارة
طارق لطفى
رئيس التحرير
أحمد سليمان
أولياء الأمور عبر غرفة الجمهورية اونلاين بالتليجرام: نرحب باستبعاد الاجابة على التابلت في امتحانات الثانوية
كتب سيد جاد ومي سيد
أعلن اولياء الامور والمدرسون اعضاء غرفة عمليات الجمهورية اونلاين لامتحانات الثانوية العامة عبر التليجرام عن ترحيبهم بقرار الغاء الاجابة علي التابلت والاكتفاء بالبابل شيت الذي اعلن الدكتورطارق شوقي وزير التربية والتعليم وانفردت به الجمهورية اونلاين.
قالت عايدة الروبي مدرسة رياضيات بشرة الخير ان الوزير ا كد ماانفردت به الجمهورية اونلاين ان الاختبار بابل شيت فقط والتاب للاطلاع على كتاب المدرسة، وأضافت دعاء ابراهيم ولية امر أهم حاجة الضمان إن مفيش طالب هيقدر يستخدم التابلت في الغش وفي طلبة عمالين يعيطوا هما وأهاليهم علشان مش مهكرين ومع ذلك الوزارة بعتتلهم يروحوا يجيبوا تقرير من سامسونج ووقفتلهم التابلت وسامسونج عايزة تغيرلهم بوردة ب 1600 جنيه مع إن مسؤول الآي تي في المدرسة قالهم إن التابلت في المنظومةومش متهكر.
قالت هنا ولية امر ياريت يكون تفتيش التابلت قبل اللجنة واي حاجة تخص التابلت تحصل خارج اللجنة
مشيرة الي ان هناك طلاب لسه داخل المنظومة ودخلت امتحنت الامتحان التجريبي رغم انها مهكرة التابلت وفاتحة تليجرام وواتس اب وإلى الآن محدش فيهم اتحاسب.
قال طارق سعد ماهو التاب هيتفحص قبل اللجنه ولو فيه هاك هيتعمل محضر وهتدخل الامتحان عادي لكن لو في نص الامتحان واكتشفوا إنه فيه هاك هيتعمل محضر غش ومش هتكمل.
تتساءل دكتورة اماني هل تسجيل الحضور على تابلت هيحتاج نت والا هيكون ازاي؟ وهل لو حصل مشكلة والطالب لم يستطع التسجيل ع التاب هيأثر عليه؟ لان سيادة الوزير قال ان تسجيل الحضور هيسهل عملية التصحيح.
اترك تعليق