رئيس مجلس الإدارة
طارق لطفى
رئيس التحرير
أحمد سليمان
- الإسكان: شقق جاهزة للتسليم الفوري في 7 مدن جديدة.. احجز الآن
- نشرة أسعار الحديد والأسمنت بالأسواق.. الثلاثاء 28-10-2025
- الصين تلوّح بالخطر قبل قمة ترامب وشي جين بينغ
- النشرة العقارية| جولة في أبرزالأخبار اليوم الثلاثاء28 أكتوبر2025
- يونيفيل: الهجمات الإسرائيلية على اليونيفيل انتهاك واضح لقرار مجلس الأمن 1701
احلى تارت فراولة مقدم من الشيف نهال ... مطبخ صابرين
من مطبخ نهال تعرفى على طريقة عمل تارت الفراولة للشيف نهال
تارت الفراولة
المقادير:
٣ كوب دقيق
كوب زبدة باردة
٢صفار بيض
٢كيس فانليا
رشة ملح
نصف كوب سكر بودرة منخول
الكريم باسترى :
٢ بيضة
نصف لتر لبن
نصف كوب سكر
ربع كوب نشا
٢ كيس فانيليا
طريقة التارت: في الكبة تحطي الدقيق والزبدة والزبدة لازم تكون ساقعة تضربيها ضربة خفيف وتحطي السكر البودرة المنخول تضربي ضربة خفيفة وتحطي البيض والفانيليا ورشة الملح وتضربي وتحطي ربع كوب ماء ساقع تلم العجين وتوقفي ضرب ومتضربيهاش كتير لان كتر الضرب بينشف عجين التارت اول ما تلم تطلعيها تلميها بايديك وتلفيها باسترتش وتحطيها ترتاح نصف ساعة في الثلاجة وتطلعيها تفرديها ونحطها في قالب التارت وتخرميها بالشوكة ونحط جواها اي نوع بقوليات في النصف لحد ما تستوي علشان العجينة متنفش وتدخليه الفرن علي درجة حرارة١٨٠ لحد ما ياخد لون دهبي او لمدة ٢٥ دقيقة وتطلعيه..
طريقة الكريم باسترى
بتحطي اللبن علي النار يدفي وفي بولة برة بتحطي البيض والسكر تضربيهم كويس لحد ما يبقي لونهم كريمي شويا ومعاهم الفانليا وبعد كدة حطي النشا معاهم تختلط كويس بيهم وخدي كبشة من اللبن الدافي اللي علي النار حطيها علي الخليط وقلبيهم كويس وحطيهم كلهم في باقي اللبن اللي علي النار وافضلي قلبي لحد ما يتقل واقفلي عليه وحطيه في بولة وغطيه بكيس الكيس يبقي لامس الكريم باتيسيير علشان ميعملش قشرة يهدي وزييني بيه.
هنحط جوة التارت علشان يدي طعم احلي طبقة من اي نوع شيكولاتة بعد ما نسيحها وعليها اي رشة مكسرات وعلي الكريم باتيسيير ونزين بشرايح الفراولة وبالهنا والشفا..
اترك تعليق